Jeremi 50:1 - Bible azumeina

¹ Wana ni zla d’a Ma didina mi dat yam azì ma Babilon-na kambas mamba avun ma djok vun Alona Jeremi-d’a:

Jeremi 50:1 Referans Kwoze

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.

Sunda hi suma a sunuzinid’a 7:4

Ata yi máma, mi ar ambas sa Kalde-d’a, mi i kak kur Haran. Bugol matna habuma, Alona mi djogom kur andaga d’a agi nga kaka kur ki tchetchem wandid’a.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Isai 23:13

Gol ambas sa suma Kitim-ma a mba a kak kua d’a ki tchetchemba suma a nga kurut tuo d’a. Suma Asiri-na a arat mazurei suma abageina, a min yima fiyak ma ndjola teteng nguyud’u, a to azì ma fiyak ma ndjola hi suma Tir-râ woyo, a b’lagam mbei kakazeî.

Isai 14:4

Ata yi máma agi mba hlagi sawal la lasa mamul ma Babilon-na ala: Ni me na ge? Ma djop vun suma mi nga d’uo d’ä? Ma le suma kad’engina mi nga d’uo mï?

Wana ni mbaktumba hi Job-pa 1:17

Kid’a ma sun ma mbàna nga mi de zlad’a tua d’a, ma sun ma dingâ mi mba, mi de mi Job ala: Suma Kalde-na a wal tazi kä ad’u adesâ hindi, a nde yam djambala, a yod’u, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

2 Samuel 23:2

Muzu’â hi Ma didinina mi zud’un á de zlad’a; zla mamba nga avunanu.

Ad’u Tinda 11:31

Tera mi yo goroma Abram ki Lot gorâ hi goroma Haran-na kakunomba Sarai atchad’a hi goroma Abram-mba, mi tchol ki sed’ezi avo Ur ra Kalde-d’a á i yam ambas sa Kanan-nda. Azi mbaza yam ambas sa Haran-nda, a kak kua.

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Ad’u Tinda 11:9

Ni kayam ndata ba, a yi yi máma ala Babel, kayam ni kua ba, Ma didina mi gizeî vuna hi suma yam andagad’ina woi pet; ni kua ba, Ma didina mi b’rau suma woi yam andagad’a pet mi.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Daniel 1:1

Kur biza d’a hindi d’a Jojakim nga mi tamula yam suma Juda-nid’a, Nebukanezar amul ma Babilon-na mi mba á dur Jerusalem, mi nguyud’u.