Jeremi 5:30 - Bible azumeina

³⁰ Vama atchapma ki vama ndjendjed’a suma a mba kur ambas ndatina ba wana:

Jeremi 5:30 Referans Kwoze

Wana ni mbaktumba hi Oze-d’a 6:10

An we vama tcho ma ndjendjed’a aduk Israel-lâ. Ni kua ba, suma Efraim-ma a nga le gaulangâ, Israel-lâ a mbut ndjendjed’a mi!

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 2:12

Ma didina mi de kua ala: Agi suma sä kaka akulona, agi lagi atchap yam va máma, agi zlagagi agi had’agi hurugi yam ndjendje ndata mi.

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.