Jeremi 5:25 - Bible azumeina

²⁵ Ni yam tchila magid’a ba, ahlena a mbut avorogi tchod’a wana; ni yam tcho magid’a ba, agi kid’agagi woi ata ahle suma djivi ndazina mi.

Jeremi 5:25 Referans Kwoze

Isai 59:2

Wani ni tchila magid’a ba, ti walagi adigagi woi kAlo magina. Ni tcho magid’a ba, ti ngeyem iram mbei iragiya, ti d’elem á humugi mi.

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Sawal la giled’a 107:17

Suma ding suma yazi nga d’uo na, kur sun mazid’a murud’umba, yam tcho mazi d’a led’a a mbut hohoud’a.

Hor ma tchina 3:39

Ni kayam me ba, sama mi nga kaka ki irama mi tchi tam ge? Ar nge nge pî mi tchi ni yam tcho mamba tata.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Jeremi 14:1

Wana ni zla d’a Ma didina mi dat mi Jeremi yam baktarad’id’a. Mi dum ala:

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.