Jeremi 5:24 - Bible azumeina

²⁴ A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.

Jeremi 5:24 Referans Kwoze

Sawal la giled’a 147:8

Nga mi ka d’ugula akulo, nga mi hlalona á se yam andagad’a, nga mi deî asuna akulo yam ahuniyôna mi.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Ad’u Tinda 8:22

Ata yima andagad’a nga tua na, zara nga, duta nga mi, zumala nga, ab’lenga nga mi, vun simetna nga, amenda nga mi. Faleid’a kandjeged’a a mba kal lei d’i.

Sunda hi suma a sunuzinid’a 14:17

Wani burâ ki burâ mam tamba nga mi tagï djivi mam mba mi lata woi akulo. Nga mi se kagiya, agi nga dud’ugi awuna vun simetna, nga mi hagi tena, nga mi hobogi hayagi ki tena, agi nga lagi furîd’a mi.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

Zakari 10:1

Agi tchenegi Ma didina kayam mi sagi alo ma hod’ogoid’a ata yamu. Mam ma nga mi mba ki babarîna, mba mi sagi alona ngola, mba mi d’uf asuna asine hi nge nge pî adigagiya.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Wana ni mbaktumba hi Job-pa 38:37

Ni nge ba, mi ndak á ndum d’ugula ki ne mamba ge? D’oze mi but ni vun bud’omei suma akulona kä, mi vo mbiyo ma kuruzina woi

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

Gat ta a hat á mbàd’id’a 28:12

Ma didina mba mi malagi ir akulod’a woi á sagi alona ata yam kur ambas magid’a, mba mi b’e vunam kagi kur sun nda agi mba lat kabogid’a mi. Andjaf suma dingâ a mba nde balâ abogiya, wani agi mba ndagi bal abo sa d’i.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Wana ni mbaktumba hi Job-pa 5:10

Nga mi salona yam andagad’a, nga mi sunï mbina abagei yam asinena mi.

Sawal la giled’a 65:9

Suma nga kaka avun dabid’a handagad’ina, a nga le mandarâ abo ahle mang suma yoyou suma ang nga lazina; ni ang ba, nga oî suma abo ma yorogona ki suma abo ma fladegena ki furîd’a mi.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Wana ni mbaktumba hi Job-pa 29:23

A djubun d’igi suma a djup alo ma sed’a na, a tin huruzi yam zla manda d’igi suma a tin huruzi yam alo ma hod’ogeid’a na mi.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.