Jeremi 49:1 - Bible azumeina

¹ Wana ni zla d’a a dat yam suma Amon-nid’a: Ma didina mi dala: Israel-lâ a nga ki gro d’uo zu? Ma te djo mazi mi nga d’uo zu? Ni kayam me ba, alo ma a yum ala Milkom-ma mi hlandaga d’a Gad-ta ge? Ni kayam me ba, sum mama a kak kur azì mam ma nglona ge?

Jeremi 49:1 Referans Kwoze

Gat ta a hat á mbàd’id’a 23:3

Suma Amon-na ki suma Mowap-ma a kal kur toka hi Ma didinid’a d’i. Le nandjavazi ma kur atchogoi d’a dogod’ina pî, mi ndak á kal kua d’i gak didin,

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 25:21

An hum mi suma Edom-ma, mi suma Mowap-ma ki suma Amon-na mi.

2 Sunda Hamuleinid’a 20:1

Bugol ahle ndazina, suma Mowap-ma ki suma Amon-na zlapa ki suma Mowan-na a mba á dur ayîna ki Josafat.

Jeremi 49:28

Wana ni zla d’a Ma didina mi dat yam andjaf suma Arap suma Kedar-râ ki suma kur leud’a hi Hasor suma Nebukanezar amul ma Babilon-na mi te kazina. Mi dala: Agi tchologi akulo, agi i durugi suma Kedar-râ, agi tchagi suma abo ma yorogona woyo.

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Jeremi 48:1

Wana ni zla d’a Ma didin ma ad’engêm kal petna, Alona hi Israel-lîna, mi dat yam suma Mowap-mid’a. Mi dala: Ni zla d’a hohoud’a yam azì ma Nebo-na, kayam a b’lagam mbei da’. Suma kur azì ma Kiriyatayim-ma a mbut zulona, kayam a hlum da’. Suma a nga kur gong nga fiyaka á ndjolina a mbut zulona, kayam a b’lagat tei da’.

Jeremi 27:3

ang sun suma wana mamul ma Edom-ma, mamul ma Mowap-ma, mamul ma Amon-na, mamul ma Tir-râ kamul ma Sidon-na abo suma sun suma azi sunuzi Jerusalem gen Sedekiyas amul ma Juda-nina.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Sawal la giled’a 83:7

Azi ni suma Edom-ma, suma Ismael-lâ, suma Mowap-ma, suma Hagar-râ,

Sawal la giled’a 9:6

Ang nga ngop andjaf suma bei wangâ, ang nga b’lak suma asa’atna woyo, ang nga tchazi simiyêzi woi ki irang fafat gak didin.

Nehemi 4:7

Wani ata yima Sanbalat ki Tobiya ki suma Arap-ma ki suma Amon-na ki suma Asdot-na a hum ala minda hi gulumun ma Jerusalem-ma nga i avogovogo, hod’ol mamba nga d’i duk kei mi d’a, huruzi mi zala.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

2 Sunda Hamuleinid’a 20:23

Suma Amon-na ki suma Mowap-ma a nde yam suma a tcholï yam ahina d’a Seir-rina, a tchazi woi kakaf. Ata yima a dabazi woi da na, azi tazi nde dur taziya, a dap tazi tchid’a woi pet mi.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Amuleina 10:33

Mi yo andagad’a mi tinï ad’ud’a avun alum ma Jurdê-na abo ma yorogona gak mi mba kur azì ma Arower ma avun alum ma Arnon-na, gak mi mba yam andaga d’a Galät-ta ki d’a Basan-nda pet. Andaga ndata pet nandagad’a handjafâ hi Gad-na ki ma hi Ruben-na ki ma hi Manase-na mi.

Gat ta a hat á mbàd’id’a 2:19

Agi mba mbagi yam ambasa hi suma Amon-na, wani agi ndazi ayîna d’i, agi duruzi d’uo mi, kayam an mba ni hagi djo nde pî yam ambasa hi suma Amon-nid’a d’i. An ni he yi máma ni mi Lot groma djona.

Ad’u Tinda 19:38

D’a gora ti vut gor mandjufâ, ti yum ala Benami; ni suma Amon-na abuzi ngolo gak ini.

Gat ta a hat á mbàd’id’a 23:4

kayam azi d’ugulogi nga kavungôna ki mbina d’i. Azi wurak Baläm Beyor gorom ma nga kur azì ma Petor ma nga yam ambas sa Mesopotami-d’ina á gagi vuna.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Ezekiyel 21:25

Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.

Ezekiyel 25:1

Ma didina mi dan ala: