Jeremi 48:45 - Bible azumeina

⁴⁵ Suma ringâ a seî woyo, a tchol ad’u anguzu ma Hesbon-na, wani akud’a ti ndeï Hesbon, sinat nga d’i ngal azì ma amula hi Sihon-na, nga d’i ngal ambasa hi suma Mowap-mid’a tinï ir haga mata dei gak mba aduk ka d’ad’ara, ti ngal suma murud’umba woi mi.

Jeremi 48:45 Referans Kwoze

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Matiye 21:42

Jesus mi dazi ala: Agi ndumugi nga zla d’a a b’irit kur mbaktumba hAlonid’a yagi tu ala: Ahina d’a suma djak gonga a gat teid’a ni d’a mbut ta djik gong nga akulod’a. Wana ni sun nda led’a hi Ma didinid’a. Ni vama ndandalâ ireya d’a d’uo zu?

Zakari 10:4

Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Amos 2:2

an mba ni do akud’a ata azì ma ngol ma Mowap-ma, ti mba d’i ngal azì ma ad’eng ma ngungu ma Keriyot-na woyo, suma Mowap-ma a mba dap pei aduk siwela hayînid’a, aduk tchina hadifina mi.

Ndumba 21:26

Hesbon nazì ma ngolâ hi Sihon amul ma Amor ma dur ayîna kamul ma Mowap ma avo’â. Mi hleï ambas mamba pet gak mba avun alum ma Arnon-na.

Ndumba 21:21

Israel-lâ a tchuk suma sunda ata Sihon amul ma Amor-râ, a dum ala:

Ndumba 21:29

Ni vama hohoud’a kang ang Mowap! Agi suma tuwalagi Kemos-sâ, agi bagi woyo! Mi mbut groma ni suma ring avok suma, mi he grom suma aropma mi Sihon amul ma Amor-râ magomba.

Sawal la giled’a 78:63

A tchi gro azungeî mazina avun ayîna, gro yuguneina a nga fe lovota á gadjo d’a tela d’i.

Sawal la giled’a 135:11

nala, Sihon, amul ma Amor-râ, Ok, amul ma Basan-na, kamulei suma Kanan-na pet mi.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.

Jeremi 48:2

Subura hi Mowap-pa nga d’uo d’a. A nga de zlad’a avo Hesbon yam b’lak mata ala: Ei i blazeizi woi aduk andjaf suma. Ang azì ma Matmen-na, ang mba ka’î ki vunang ma du’â, kayam ayîna nga mi djï blogongû.