Jeremi 48:27 - Bible azumeina

²⁷ Agi suma Mowap-ma, agi gologi Israel-lâ ni vama sanda iragi adjeu d’uo zu? Adjeu agi ndumuzi naduk suma kula, agi nga dagi zla mazid’a ni ki yam mba kidjika mi d’uo zu?

Jeremi 48:27 Referans Kwoze

Jeremi 2:26

D’igi sama kula mi mbut zulona ata yima a vum ki kulina na, agi Israel-lâ kamulei magina ki magi suma nglona ki magi suma ngat buzuna ki magi suma djok vuna, agi mba mbud’ugi zulona ni hina mi.

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.

Ezekiyel 25:8

Salad’a Ma didina mi dala: Suma Mowap-ma ki suma Seir-râ a dala: Suma Juda-na a ni d’igi andjaf suma dinga hina pet mi.

Matiye 27:38

A b’al suma kula mbà ki sed’emu, tu ata bigam mba ndjufa, tu ata bigam mba gulad’a mi.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Sofoni 2:10

Ahle ndazina a mba mba kazi hina kayam subur ta mazid’a, kayam a hle yazi akulo, a ngul suma hi Ma didin ma ad’engêm kal petnina.

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Ezekiyel 36:2

Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Sawal la giled’a 79:4

Gola! Suma a nguyumina a nga ngulumiya, a nga san ad’umiya, a nga lazami mi.

Sawal la giled’a 44:13

Ang gus sum mangâ woi ki gus sa akid’eid’a d’igi suma zlazi nga d’uo na na.

Wana ni mbaktumba hi Job-pa 16:4

Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Sawal la giled’a 64:8

Wani Alona nga mi yed’ezi ki yeû mamba, nga mi yed’ezi ki mbuleina bei azi we ba.

Hor ma tchina 1:7

Ata yima Jerusalem ti nga kur hohoud’a nga d’i tcha tata na, ti djib’er yam ahle suma djivi suma ndat nga ki sed’ezi adjeuna pet. Ata yima sum matna a ndabo mazi suma a lazi murud’umbina bei ti fe sa á ndjunut ba na, mat suma djangûna a wad’u, a nga san ad’u puk mat ta kä d’a.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.