Jeremi 48:13 - Bible azumeina

¹³ Suma Mowap-ma a mba mbut zulona yam alo mazina Kemos d’igi Israel-lâ a mbut zulona yam alo ma Betel ma azi tin huruzi kama na.

Jeremi 48:13 Referans Kwoze

Jeremi 48:39

Azì ma Mowap-ma a b’lagam wa woyo! Agi tchagi wulula! Suma Mowap-ma a mbut wa huyogozi abo zulona! Azì ma Mowap-ma mi mbut wa vama sanda, vama mandarâ ir suma a nguyuma pet.

Isai 45:16

Gola! Suma a min fileinina a mbut zulona, a tchuk susub’ok, a nga i ki yazi tchoka kä.

Suma ka sariyad’a 11:24

Ang ndak á ve vama alo mangâ Kemos mi hangzina d’uo zu? Ahlena pet suma Ma didina Alo mamina mi hamizina, ami ndak á vamizi mi d’uo zu?

Jeremi 48:46

Ni zla d’a hohoud’a yam ang azì ma Mowap-ma! Suma hi Kemos-sâ a dap wa woyo, kayam grong suma andjafâ ki grong suma aropma, a yoziya wa magomba.

Jeremi 48:7

Agi suma Mowap-ma, kayam agi tinigi hurugi yam sun magid’a, yam ndjondjoî magid’a mi, a mba yogi agi tagid’a! Alo magina Kemos, a mba im magomba zlapa ki mam suma ngat buzuna ki mam suma nglona mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 16:12

Suma Mowap-ma a nga kau tazi á djak akulo ata yima nding ma a tinim iram vama á i kur gong mazi d’a fileina á tchen alo mazina, wani bei fe va ba.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

Jeremi 48:12

Ni kayam ndata ba, an Ma didina ni dala: Gola! Burâ nga mi mba, kur bur máma an mba ni sunï suma a mba djogom vod’a woina atamu, a mba vom mbei kur agolongeî mama, a mba tozi woi mi.

2 Sunda Hamuleinid’a 25:15

Ata yi máma Ma didina hurum zal ngola yam Amasiya, mi sunï ma djogom vunama atamu, mi dum ala: Ni kayam me ba, ang hal alona hi suma dingâ ma ndak á prut sum mama woi abong nguo na ge?