Jeremi 48:10 - Bible azumeina

¹⁰ Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Jeremi 48:10 Referans Kwoze

1 Amuleina 20:42

Ma djok vun máma mi dum ala: Gola! Ma didina mi sununï ala an dang ala: An hang amul ma Siri-na abong ala ang tchumu, wani ang aram bei tchid’a. Kayam ndata, ni ang tanga ba, mba mit blangâmu, sum mangâ a mba bo balum sum mama mi.

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.

Suma ka sariyad’a 5:23

Malaikana hi Ma didinina mi dala: Agi gagi vuna mazì ma Meros-sâ, agi gum vuna, agi gagi vuna mi suma a nga kaka kuruma mi, kayam azi mba nga á ndjun Ma didina d’i, a mba nga á dur ayîna zlapa ki mam suma gangrangâ d’uo mi.

2 Amuleina 13:19

Sana hAlonina hurum zala, mi dum ala: ladjï ang wat andagad’a yang vahl hloze yang karagaya ni, ang mba dur ayîna ki suma Siri-na gak ang dabazi woyo. Wani ki tchetchemba, ang mba dur ayîna á kus kazi ni yang hindi go.

1 Samuel 15:9

Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.

Jeremi 50:25

Ma didina mi mal vun gong mam mba mi ngom ahle suma sïna kuad’a woyo, mi buzugï ahle mam suma dur ayîna woi á tak ayî mam ma bibiliuna woyo. Salad’a Ma didin ma ad’engêm kal petna, nga mi le sun ndata yam ambasa hi suma Babilon-nid’a.

Jeremi 47:6

Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

1 Amuleina 20:39

Ata yima amulâ nga mi kalâ, ma djok vun máma mi dum ki delem akulo ala: An azong mangâ ni nga ni kur ayî ma durâ, wani sana tu mi ndeï woi ata yima ndjara, mi vanï sama dangeina tu, mi dan ala: Ang gol sa máma. Le mi sut wa ni, ang mba mit blangâmu, d’oze ang mba wuragan bege d’a hapa dudubu hindi.

1 Amuleina 20:40

Wani ata yima an azong mangâ nga ni le sunda abo hî abo hî na, sa máma mi ringâ! Ahap mi hulong dum ala: Ang tanga ka wa sariya manga kangû!

Jeremi 11:3

Ang dazi ala: Ma didina Alona hi Israel-lîna mi dala: Sama mi hum nga zlad’a hi vun ma djin máma d’uo na, an mba ni gum vuna.

Jeremi 47:7

Ma didina mi dala: Ni nana ba, ti mba d’i tuk tat ke? Ni an Ma didina ba, ni hat vuna á i ata Askalon kabo ma avun alum ma ngolîna d’uo zu?

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Josue 10:19

Wani agi igi avogovok á dik magi suma djangûna, agi tchagi mazi suma asezi mi ar bugolâ woyo, agi arazi á kal avo hatazi d’i. Kayam Ma didina mi hagiziya wa abogiya.