Jeremi 46:17 - Bible azumeina

¹⁷ Ata yi máma a tchi ala: Faron amul ma Ezipte-na, siwela gandjau ndata ni zla d’a hawa yaka, mi ar yina mi kal da’.

Jeremi 46:17 Referans Kwoze

1 Amuleina 20:10

Ata yi máma Ben-Hadat mi hulongî sunda ata Ahap ala: Ata yima an b’lak Samari-na, le gugum ma arâ mi oî wa hur abo suma a nga tit ad’una ni, ar alona mi mban ndak ka ngol la kala kanu!

Buzuk ka Abud’a 15:9

Mami suma djangûna a dala: Ei mba digiziya, ei mba faziya, ei mba b’rawei ahle suma ei hurumuzina, ei mba hobei kiya, ei mba pad’ei mbigeu d’a fiyaka, ei mba tchaziya.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

1 Amuleina 20:18

Ben-Hadat mi dazi ala: Le a mba ni hawa ni, agi vazi karid’a; le azi mba ná dur ayîna pî, agi vazi karid’a mi.

Buzuk ka Abud’a 15:10

Ma didina, ang fo simet ma avunangâ; alum ma ngolâ mi hlubuzi kä! Azi sir kä d’igi lomba na aduk mbiyo ma d’id’ilima.

1 Amuleina 20:11

Amul ma Israel-lâ mi hulong dazi ala: Agi i dum ala: Sama i dur ayîna tua na nga mi subur tam d’igi sama kuzï ayîna da na hina d’uo!

Ma tchi wala 3:1

Ahle suma a le yam andagad’a ka hina a nga ki yazi teteng.