Jeremi 46:14 - Bible azumeina

¹⁴ Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 46:14 Referans Kwoze

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.

2 Samuel 2:26

Apner mi djop Jowap ala: Ei mba tchi tei hina gagak kang zu? Ang we nga d’ala zla ndata dabi mata ni zla d’a hohoud’a d’uo zu? Ni mindja ba, ang mba de mi sum mangâ ala a ar b’oziyozina bei dika ge?

Buzuk ka Abud’a 14:2

Ang de mi Israel-lâ, a hulong a vanguvora avok Pi-Hahirot aduk Mikdol kalum ma ngolâ ngagad’a yam Bäl-Sefon d’ar. Nata yi máma ba, agi vagi anguvora kua go kalum ma ngolâ.

Gat ta a hat á mbàd’id’a 32:42

Yeû manda mba d’i tchor buzuna, mbigeu man nda fiyaka mba d’i b’lak hliwa suma woyo. Suma nglo suma avok suma dur ayînina, sa mba mi sut tu d’i. Suma a duruzi mbuleinina d’oze suma a yozi magombina, an mba ni tchazi woi pet.

Isai 19:13

Suma nglo suma Sowan-na ni suma lilid’a, suma nglo suma Memfis-sâ yazi b’laga. Ni azi ba, a nga vit Ezipte-na woyo.

Jeremi 46:2

Wana ni zla d’a Ma didina mi dat yam Ezipte-na, yam azigar suma hi Faron Neko amul ma Ezipte ma mi nga kaka avun alum ma Efrat-na avo Karkemis-sâ. Ni kua ba, Nebukanezar amul ma Babilon-na mi kus kamu, ni kur biza d’a fid’i d’a Jojakim Josiyas goroma nga mi tamula yam suma Juda-nid’a.

Jeremi 46:19

Agi suma nga kaka Ezipte-na, agi minigi ahligiyegi á i magomba, kayam Nof mba d’i ar djona. Akud’a mba d’i ngalat teyo, a mba fe sama kak kur ri.

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Wana ni mbaktumba hi Oze-d’a 9:6

Fata agi mba ringîgi abo b’lak ka mba d’i mba yam ambasid’a, Ezipte-na a mba yogiya, azì ma Memfis-sâ mba mi mbut ni yima a tozogi kuana. Kekerezeuna mba mi se yam kawei magi ma hap ma djivi ma kal teglesâ, aweid’a mba d’i se kur zlub’u magid’a mi.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.