Jeremi 43:11 - Bible azumeina

¹¹ Mam mba mi mba, mba mi dur ambas sa Ezipte-d’a. Suma a ngazi matna kazina a mba bo, suma a ngazi magomba kazina a mba i magomba, suma a ngazi mbigeu d’a fiyaka kazina a mba tchazi ki mbigeu d’a fiyaka mi.

Jeremi 43:11 Referans Kwoze

Jeremi 44:13

An mba ni mba á ngop suma a nga kaka kur ambas sa Ezipte-d’ina d’igi an ni mba adjeu ni ngop suma Jerusalem-ma kayî ma durâ ki baktarad’a ki tugud’ei d’a tcho d’a tchi matna na mi.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Zakari 11:9

Ata yi máma an de mi tumiyôna ala: An dok ni pologi d’uo d’a. Ma mitna ar mi mid’a, ma ba woina ar mi ba woyo, suma a arâ ar a mut taziya.

Jeremi 25:19

Bugola, an he kop ma süma mi Faron amul ma Ezipte-na, mazungeî mama, mi mam suma nglona ki mam suma hawana pet mi.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Wana ni mbaktumba hi Job-pa 20:29

Wana ni wurak ka Alona nga mi ngomot yam sama asa’atnid’a, ni djo ma Alona mi ngamzi kama mi.

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 42:22

Ki tchetchemba, agi wagi woi tetet ala a mba tchagi avun ayî ma durâ, baktarad’a mba d’i tchagiya, tugud’ei d’a tcho d’a tchi matna mba d’i tchagi kur yima agi min á i kagagi kua máma!

Ezekiyel 29:11

Asem sa d’oze asem ambur mba mi tchila kua d’i, sa mba mi kak kur ri gak biza d’a dok fid’i.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.