Jeremi 42:5 - Bible azumeina

⁵ A de mi Jeremi ala: Le ami mba lami sunda yam zla d’a pet ta Ma didina Alo mangâ mba mi dangzi á damizïd’a d’uo ni, ar Ma didina mi le glangâs ma irat ma d’engzengâ kamiya.

Jeremi 42:5 Referans Kwoze

Ad’u Tinda 31:50

Le ang tchol wa á le gron suma aropma ndaka, le ang vik arop suma dingâ kazi kua ni, ang we sama adigeina ni sa d’i, nAlona tamba ba, ni glangâs ma adigeina.

Suma ka sariyad’a 11:10

Suma nglo suma Galät-na a de mi Jefte ala: Ma didina ni glangâs meina. Ami mba lami ahlena pet suma ang mba dami kazina.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Malatchi 2:14

Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

1 Samuel 20:42

Jonatan mi de mi David ala: Ang i lafiya! Ki tchetchemba, ei djak guni wa tei ki simiyê Ma didina ala ar Ma didina mi kak glangâsâ adigeya, aduk andjavan kandjavang mi gak didin.

1 Samuel 12:5

Samuel mi hulong dazi ala: Ma didina kamul ma mam manama ni suma glangâsâ kagi ini ala agi fagi nga zla kan ndi. A dala: Nata yad’u, azi ni glangâsâ.

Buzuk ka Abud’a 20:19

A de mi Moise ala: Ang tang dami zlad’a; ami mba humumiya. Wani ar Ma didina mi dami zlad’a ba ami bomi woi d’i.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Jeremi 43:2

Azariya Hosaya goroma, Johanan Kareya goroma ki suma yam mba ad’enga pet a de mi Jeremi ala: Zla d’a ang data ni zla d’a kad’a. Ma didina Alo mamina mi sunung nga d’ala ang dami ala: Agi igi Ezipte á kagagi sä kua d’uo d’a d’i.

Jeremi 43:4

Johanan Kareya goroma ki suma nglona hi azigarîna kablau suma petna a hum nga zla d’a Ma didina mi hazi vuna kat ala a kak kur ambas sa Juda-d’a d’a d’i.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.