Jeremi 42:4 - Bible azumeina

⁴ Ma djok vun Alona Jeremi mi dazi ala: An huma! Gola! An nga ni tchen Ma didina Alo magina d’igi agi dagi na. An mba ni dagi woi bei ni ngeyegi zla d’a pet ta Ma didina mba mi hulongôgizi ded’id’a kä ba.

Jeremi 42:4 Referans Kwoze

Sawal la giled’a 40:10

An nga ni tchi wal zla d’a irata aduk toka hablau sumid’a, an nga ni duk vunan ndi. Ma didina, ang we.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Romê-na 10:1

B’oziyona, kur djib’er manda pet, an nga ni tchen Alona kayam Juif-fâ a fe suta.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Jeremi 23:35

Agi nge nge pî mba mi de mi ndrama d’oze mi wiyema ala: Ma didina mi hulong humba na na ge? Ma didina mi de na na ge?

Jeremi 26:2

An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.