Jeremi 39:12 - Bible azumeina

¹² Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina!

Jeremi 39:12 Referans Kwoze

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Jeremi 40:4

Ki tchetchemba, an nga ni wiled’eng kindjing ma abongâ woyo. Le djivid’a irang á i ki sed’en Babilon-nu ni, ang iya. An mba ni tin iran kangû. Le nga djivid’a irang á i ki sed’en Babilon nduo ni, ang kaga. Gola! Ambasa avorong wan petna. Ang i ata yima lara ma mi nde irang á id’ina.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Jeremi 24:6

An mba ni tin iran kazi á wazi hohowoziya, an mba ni hulongôzï kur ambas sa kä wanda, an mba ni minizi akulo, an mba ni b’lagazi woi d’i, an mba ni pazi ni kä, an mba ni pad’azi woi d’i.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Jeremi 15:21

An mba ni prud’ung ngei abo suma asa’at ndazina, an mba ni gang akulo woi abo suma a nga te yam suma kad’engina mi.

Jeremi 39:13

Nebuzaradan ma ngolâ hi suma a ngom yinina, Nebusasban ma ngolâ hi suma adimbangîna, Nergal-Sareser ma ngolâ hi azigar suma nglonina zlapa ki suma nglo suma dingâ hamul ma Babilon-nina pet

Jeremi 15:11

Ma didina, le an lang nga sun nda djivid’a ki hur ma tuna d’uo, le an tcheneng nga yam man suma djangûna ata yima azi nga kur ndaka ki kid’eî irana d’uo ni, ar azi ngulunu.