Biblia Todo Logo
Bib sou entènèt

- Piblisite -




Jeremi 36:10 - Bible azumeina

10 Baruk mi ndum zlad’a hi Jeremi d’a mi b’irit kur mbaktum mba d’utid’a avok suma kur gong nga kud’ora hi Ma didinid’a, kur gonga hi Gemariya Safan ma b’ir mbaktumba goroma, kur atrang nga akulo ndinga avun Agrek ma Awilina hi gong nga kud’orina mi.

Gade chapit la Kopi




Jeremi 36:10
17 Referans Kwoze  

Kid’a Mika Gemariya gorom ma Safan gorom ngolona mi hum zlad’a hi Ma didina d’a mi b’irit kur mbaktumbid’a peta,


Mi ve ma ngol ma yam azigarâ hi suma Juda-nina, mi yo suma kid’iziya suma d’al suma a le sunda mamulâ suma kur Jerusalem-ma, mi ve ma b’ir mbaktumba hi ma ngolâ hi azigar ma mi yo suma azigarîna, mi yo suma Juda-na dok karagaya suma a nga avo Jerusalem-ma,


Kid’a suma nglo suma Juda-na a hum zla ndatid’a, a tcholï kur azì ma amula, a i kur gong nga kud’ora, a i kak kä avun Agrek ma Awilina hi gong ndatina.


Wani Elnatan, Delaya ki Gemariya a tchen amulâ avok ki so tad’a ala mi ngal mbaktum mba d’ut ndata woi d’uo pî, mi humuzi nga d’i.


Sadok Ahitup goroma azi ki Ahimelek Abiyatar goroma ni suma a ngat buzuna mAlonina. Seraya ni ma b’ir mbaktumba.


Baruk Neriya goroma mi lahlena pet suma ma djok vun Alona Jeremi mi hum vuna kazina, mi ndum zlad’a hi Ma didina d’a a b’irit kur mbaktumbid’a kur gong mam mba kud’ora.


Ang tanga i ndumuzi zlad’a hi Ma didina d’a an dangzi ki yan ang b’irit kur mbaktum mba d’utid’a avok suma kur gong ndatina kur bur ma a d’el tazi bei te tenina, ang ndumut avok suma Juda suma a nga buzugï kur aziyazi ma nglonina pet mi.


An i ki sed’ezi kur gong nga kud’ora hi Ma didinid’a kur hurut ma hi Hanan groma Jikdaliya goroma sana hAlonina go ki gonga hi suma nglona akulo yam hur gonga hi Mäseya Salum goroma ma ngom vun gongina.


Mi he mbaktum ndata abo Elasa Safan goroma ki Gemariya Hilkiya goroma suma Sedekiyas amul ma Juda-na mi sunuzi gen Nebukanezar amul ma Babilon-nina. Mi de kur ala:


Wani Ahikam Safan goroma nga mi ngom Jeremi. Ni kayam mam ba, Jeremi mi nde nga abo ablaud’a á tchum mbuo ni na.


Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.


Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i. Ni Jotam ba, mi min vun agrek ma akulo nding ma avun gong nga kud’ora hi Ma didinid’ina.


Seva ni ma b’ir mbaktumba; Sadok azi ki Abiyatar ni suma ngat buzuna.


Mi min atranga avun gong nga ngola kahinad’a a tched’eta djirdid’a hindi, mi gägu sedre ma bebed’e ma aduburo’â kat mi.


Wani ni Baruk Neriya goroma ba, mi zud’ungî mam á kak djangûna ki sed’emi á hami abo suma Babilon-na, á tchami d’oze á imi magomba Babilon ni mamu.


Hur gong nga abo ma yam hur gong nga ngol la ngagad’a yam vun agrek ma abo ma norîd’a ni gong nga a mbus hliwa vama a hum he d’a hawa d’a vama ngat buzu ma ngala kuana.


Kur biza d’a dogo yam klavandi d’a Josiyas nga mi tamulid’a, mi sun mam ma b’ir mbaktumba Safan Asaliya goroma Mesulam gorom ngolona kur gong nga kud’ora hi Ma didinid’a.


Swiv nou:

Piblisite


Piblisite