Biblia Todo Logo
Bib sou entènèt

- Piblisite -




Jeremi 34:3 - Bible azumeina

3 Ang mba sut abom mbi, wani a mba vang kad’enga, a mba hang abomu. Ang mba we ir amul ma Babilon-na, mba mi dang zlad’a avunang ngei mbambak, ang mba i Babilon.

Gade chapit la Kopi




Jeremi 34:3
18 Referans Kwoze  

Sedekiyas amul ma Juda-na mba mi sut tei abo suma Babilon-na d’uo, a mba hum abo amul ma Babilon-na, mba mi wumu, mba mi dum zlad’a woi avunam mbambak.


Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.


An mba ni he Sedekiyas amul ma Juda-na ki mam suma nglona abo mazi suma djangûna, abo suma a halazi á tchid’ina, abo azigar suma hamul ma Babilon-na suma a wal tazi woi dei ki sed’egina.


Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.


An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.


Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.


Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.


A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.


Ata yima Sedekiyas amul ma Juda-na mi gum dangeinina, mi dum ala: Ni kayam me ba, ang djok vuna ala: Ma didina mi dala: Gola! An nga ni hazì ma ngol ma wana abo amul ma Babilon-na, mba mi hlumu.


Kayam ndata, an Ma didina ni dala: Gola! An nga ni hazì ma ngol ma wana abo suma Babilon-na, abo Nebukanezar amul ma Babilon-na. Mam mba mi hlumu.


Wani Sedekiyas amul ma Juda-na, ang hum zlad’a hi Ma didina d’a mi dat kanga. Mi dala: A mba tchang ki mbigeu d’a fiyaka d’i.


Wani amul máma mi tchol huneîd’a ki sed’emu, mi sun Ezipte ala a humï akulumeina ki suma ablaud’a. Sama mi le hina na, mba mi i avogovok mba mi sut tei zu? Ata yima mi but vun ma djinda woina, mba mi sut tam zu?


Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.


Salad’a Ma didina mi dala: An Ma bei matna ni gun tan ala: Amul máma mba mi mit sä ni kur ambasa hamul ma mi tinim amulina avo Babilon, kayam mi gol gun ta d’a mi gunum tamba is, mi but vun ma djin ma a djinim aduk tazina woi mi.


Swiv nou:

Piblisite


Piblisite