Biblia Todo Logo
Bib sou entènèt

- Piblisite -




Jeremi 34:20 - Bible azumeina

20 abo mazi suma djangûna, abo suma a halazi á tchid’ina. Mad’azi mba mi mbut ni tena haluwei suma akulona kamburei suma yam andagad’ina mi.

Gade chapit la Kopi




Jeremi 34:20
25 Referans Kwoze  

Mad’a suma ndazina mba mi mbut ni tena haluwei suma akulona kamburei suma kur andaga ndatina, sama mba mi digizi woi nga d’uo mi.


An mba ni b’lak d’alâ hi suma Juda-na ki d’alâ hi suma Jerusalem-ma woi ata yi máma, an mba ni zud’uzi abo mazi suma djangûna, a mba tchazi avun ayîna, an mba ni hazi abo suma a halazi á tchid’ina, an mba ni hazi mad’azi maluwei suma akulona kamburei suma yam andagad’ina á ted’a mi.


Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.


Ni kayam ndata ba, Ma didin ma ad’engêm kal petna mi nga ki va á de mi suma Anatot ndazina. Ni suma a hal á tchana, a dan ala: Ang ar bei djok vuna ki simiyê Ma didina. Le d’uo ni, ang mba mit akulo hur abomiya!


Sa mang ma mit avo kä na, adureina a mba mud’umu; ma mit sä abageina, aluweina a mba tum mi.


An mba ni hang abo suma a nga halang á tchid’a suma ang nga le mandarâ avorozina, nala, Nebukanezar amul ma Babilon-na ki mam suma Babilon-na mi.


Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.


Suma avo hi Jerobowam pet ma mit avona, adureina a mba mud’umu; ma mi mit abageina, aluweina a mba tumu. Wana ni vama Ma didina mi duma.


Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.


mi dum kua ala: Ang mbeya! An hang ini hliwing maluweina kamburei suma abageina!


An mba ni gang kä andaga, an mba ni arang kä abageya, an mba ni togï aluwei suma akulona pet kangû, an mba ni hop amburei suma yam andagad’ina ki sed’engû.


An mba ni gang ngei hur fulâ, zlapa ki kuluf ma kur alum mangîna pet. Ang mba arî samba kä abageya. Sa mba mi hlang mi tozong nguo mi. An mba ni mbud’ungî tena hamburei suma yam andagad’ina kaluwei suma akulona mi.


An nga ni zlak suma Elam-ma avok mazi suma djangûna, avok suma a nga halazi á tchid’ina. Kur hur man ma zala, an mba ni sunuzï ndaka kaziya, an mba ni digizi ad’uzi kayî ma durâ gak ni dabazi woyo.


An mba ni he Faron Hofra amul ma Ezipte-na abo mam suma djangû suma a nga halam á tchid’ina d’igi an he Sedekiyas amul ma Juda-na abo Nebukanezar amul ma Babilon mam ma djangû ma nga mi halam á tchid’a adjeuna na mi.


Amulâ Sedekiyas mi gun tam avok Jeremi gumun ala: An gun tan ki Ma didin ma bei matna ma hei arid’ina, an mba ni tchang ngi, an mba ni hang abo suma a nga halang á tchid’ina d’uo mi.


Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.


Mad’agi mba mi mbut ni vama ted’a haluweina kamburei suma yam andagad’ina; sama mba mi digizi woi nga d’i.


Azi djang buzuwa azungeî mangâ woi huyok Jerusalem d’igi mbina na; sama tozozi nga d’i. Azi he mad’a azungeî mangâ á ted’a maluweina, a he hliwa mang suma d’engzengâ á ted’a mamburei suma abageina.


Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!


Salad’a Ma didina mi dala: Gola! An nga ni hak abo suma ndak noyôzi suma ndak wal tak kei ki sed’ezina.


Amul ma Babilon-na mi ngat Sedekiyas groma avo Ribla iram kä na, mi ngat suma nglo suma Juda-na woi pet mi.


Swiv nou:

Piblisite


Piblisite