Jeremi 34:17 - Bible azumeina

¹⁷ Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Jeremi 34:17 Referans Kwoze

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Galat-na 6:7

Ar agi lobogi tagi d’i, kayam sana mi ndak á las Alona d’i. Kayam vama sana mi zarama, mba mi fed’emî mamu.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Gat ta a hat á mbàd’id’a 28:25

Ma didina mba mi he magi suma djangûna ad’enga á kus kagiya, agi mba igi atazi á durâ ni kur lovot ta tud’a, wani agi mba ringîgi avorozi ni ki lovota teteng kid’iziya. Agi mba mbud’ugi ni suma mandarâ avok suma yam andagad’ina pet.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 15:4

An mba ni ndjoyôzi woi kur leu d’a yam andagad’id’a vivreng, yam sun nda tcho d’a Manase Ezekiyas goroma amul ma Juda-na mi lat avo Jerusalem-mba.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Jeremi 32:36

Ki tchetchemba, an Ma didina Alona hi Israel-lîna nga ni de zlad’a yam azì ma ngol ma agi nga dagi kam ala: A mba hum abo amul ma Babilon-na, a mba kus kam kayî ma durâ ki baktarad’a ki tugud’ei d’a tcho d’a tchi matna na ala:

Jeremi 21:7

Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Gat ta a hat á mbàd’id’a 19:19

ata yi máma agi lagi ki sed’em d’igi mam nga hurum á le ndrama na mi. Hina wani, agi mba d’elegi tcho d’a led’a woi adigagiya.

Jeremi 34:8

Ma didina mi de zlad’a kua mi Jeremi. Wani avok ka bei mam dum zla ndata tua d’a, amulâ Sedekiyas mi djin wa vunam ki suma Jerusalem-ma á tchi wala yam tchuk ka a tchuk suma akulod’a ala:

Jeremi 38:2

Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a.

Jeremi 29:17

Ma didin ma ad’engêm kal petna mi dala: Gola! An nga ni sun ayî ma durâ ki baktarad’a ki tugud’ei d’a tcho d’a tchi matna kaziya, an mba ni mbud’uzi d’igi tulum ma tchim ma tcho ma sana mi ndak á tum mbuo na na.

Jeremi 32:25

Wani Salad’a Ma didina, ang dan ala: Ang gus asinena ki bege d’a hapa, ang yo suma glangâsâ... Gola! A nga hazì ma ngol ma wana abo suma Babilon-na!