Jeremi 33:6 - Bible azumeina

⁶ Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Jeremi 33:6 Referans Kwoze

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Sawal la giled’a 67:2

Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Jeremi 17:14

Jeremi mi dala: Ma didina, le ang tchilinu ni, an mba ni tchila. Le ang sud’unu ni, an mba ni sud’a, kayam angî ma an suburuma.

Mise 4:3

Mam mba mi mbut ni ma ka sariyad’a aduk andjaf suma ablaud’a, mba mi mbut ni ma min zlad’a handjaf suma sib’ik suma sä deina, mbuguyo mazi suma fuyogeina mba mi zlazi sï kowuyona, asubuyo mazina mba mi zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Sawal la giled’a 37:11

Wani suma lulumana a mba tandagad’a djona, azi mba le furî d’a ngola kur b’leng nga halas sa kal teglesa.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Efes-sâ 6:23

Alona Abui ki Salad’a Jesus Christ a he b’leng nga halasa mi b’oziyoina ki od’a ki he gagazid’a mi.

Sawal la giled’a 72:7

Kur atchogoi mamba, suma d’ingêrâ a mba zul avogovogo. Suma a mba kak ki b’leng nga halasa gak dabid’a hatchogoid’id’a.

Buzuk ka Abud’a 34:6

Ma didina mi kal avoromu, nga mi yi simiyêm ala: An ni Ma didina, an ni Ma didina, an nAlo ma we hohoud’a, an nAlo ma sumad’a, an nga ni mbut ayîna atogo d’i, an ni ma djivi manda kal teglesâ, an ni ma d’engzengâ mi.

Isai 39:8

Ezekiyas mi hulong de mi Isai ala: Zlad’a hi Ma didina d’a ang dandji wanda ni zla d’a djivid’a. Nala, an mba kak ki halasa ki djivid’a ata yima an nga ki iran tua na hina d’uo zu?

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Sawal la giled’a 147:3

nga mi b’leng hur suma huruzi b’la’â, nga mi djinizi mbilizi mi.

Ma tchi wala 3:3

yima tchi matna mi nga, yima tchil sana mi nga mi; yima a to azina kä woina mi nga, yima min azinina mi nga mi;

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.