Jeremi 33:24 - Bible azumeina

²⁴ Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Jeremi 33:24 Referans Kwoze

Sawal la giled’a 83:4

A nga min tazi gumun á dur sum mangâ, a ndjak vunazi á dur suma ang nga ngomozina.

Ezekiyel 37:22

An mba ni mbud’uzi andjaf ma tuna yam andaga mazid’a yam ahuniyô suma Israel-lâ, amul ma mba mi te kazina ni tu. Azi mba kak andjafâ mbà d’uo d’a, azi mba wal leud’a kä mbà d’uo mi.

Ezekiyel 36:2

Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Ezekiyel 25:3

Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina.

Hor ma tchina 4:15

Suma a nga dazi ala: Agi hud’ugizi woi gevemiya! Agi suma ndjendjed’a, hud’ugizi woyo! Hud’ugizi woyo! Ar agi domi d’i! A nga ringâ, a nga tcha tata aduk andjaf suma. Wani a nga dazi ala: Ar agi kagagi avo hatami ka hî d’i!

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Sawal la giled’a 71:11

Azi nga dala: Alona mi aram mbeyo; agi digimu, agi vumu; sama prud’um mbei abogina nga d’i!

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Isai 11:13

Andjafâ hi Efraim-ma mba mi le yungôrâ yam andjafâ hi Juda-na d’uo d’a, andjafâ hi Juda-na mba mi kak djangûna kandjafâ hi Efraim-ma d’uo mi.

Jeremi 3:7

An de tan ala: Bugol la a lahle ndazinid’a, a mba hulongî gevenu. Wani azi hulongî nga geven ndi. B’oziyozi suma Juda suma bei d’engzengâ a we mi.

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Jeremi 33:23

Ma didina mi de mi Jeremi ala:

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Ezekiyel 36:20

Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

Sawal la giled’a 83:5

Azi nga de tazi ala: Ei dabazi andjavazi woi yam andagad’a; ar sa mi yi simiyê Israel-lâ bugol luo d’a.

Jeremi 31:36

Ma didina mi dala: Ladjï gat ta an hat mahlena ndata ti dap pei avoronu ni, andjafâ hi Israel-lîna pî mba mi kak andjafâ avoron gak didin nduo mi.