Biblia Todo Logo
Bib sou entènèt

- Piblisite -




Jeremi 33:21 - Bible azumeina

21 ata yi máma vun man ma djin ma an djinim kazong mana David-na mba mi but tei tala a fe gorom ma mba mi kak yam zlam mam mba amula á tamulina d’oze suma hi Levi suma ngat buzuna á lan sun mandina d’uo d’a mi.

Gade chapit la Kopi




Jeremi 33:21
16 Referans Kwoze  

Wani an mba ni ar o man nda didin nda kamba woi d’i, yam d’engzeng manda, an mba ni mbud’um iram mbi.


an mba ni kagang yam zlam mang nga amula ngingring burâ ki burâ d’igi an de mabung David na ala: Ad’u andjavang ang mba ba bei fe sama mba mi vrak blangâng á kak yam zlamba hi Israel-lîd’a d’i gak didin.


Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.


Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?


Ang mbud’uzi sum mama, ang mbud’uzi suma ngat buzuna á le sunda mAlo mamina. Azi mba te leud’a yam andagad’a mi.


Akulod’a kandagad’a a mba kal leyo, wani zla manda mba d’i kal lei d’i.


Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.


A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.


Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.


An mba ni tin amul ma ad’engâ ad’u andjafâ hi David-na kur Siyon, an mba ni min lovota avok ma an mba ni vragam balum ma an manam tinim amulina.


Yam bei tcho manda an ni gun tan ni ki iran fafat, na ni an ndak á ka zlad’a mi David tchu?


Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.


Swiv nou:

Piblisite


Piblisite