Jeremi 31:4 - Bible azumeina

⁴ Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 31:4 Referans Kwoze

Jeremi 33:7

An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

Sunda hi suma a sunuzinid’a 15:16

Ma didina mi dala: Bugola, an mba ni hulongîya, an mba ni min azina hi David ma b’lak keina akulo tua, an mba ni tchol ahle suma b’lak keina akulo tua, an mba ni tcholom akulo mi.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Wana ni Zla d’a Djivi d’a Luc mi b’irita 15:23

Agi mbeyegï kamuhl ma d’orâ, agi tchagiziya, ei teya, ei lei furîd’a.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

2 Amuleina 19:21

Ki tchetchemba, ang hum zla d’a an Ma didina nga ni dumzid’a ala: Ang Sanakerip, azì ma ngol ma Siyon-na mi golong is, mi san ad’ungû; Jerusalem mba djifâ ti hle yat tei ad’ungû.

Hor ma tchina 1:15

Salad’a mi noî suma gangrang suma dur ayî suma a nga ki sed’ena woyo, mi yi tok ka ngola hi azigarîd’a kan á b’lak azungeî mana woyo. Salad’a mi mired’en an gor wei d’a Juda-d’a kä kasem d’igi a miret vud’a guguzlud’a ata yat ma mireta na.

Jeremi 31:21

Ma didina mi dala: Ndak gor wei d’a Israel-la, ndak pe vama tak lovota, ndak pagu ma tak lovota, Ndak djib’er yam lovot maka, yam lovot ta lara d’a ndak tit kua adjeud’a. Ndak hulongîya, ndak hulongî kur azì mak ma nglona.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Sawal la giled’a 69:35

Ar akulod’a kandagad’a a gilemu, ar alum ma ngolâ kahlena pet suma a nga kuruma a gilem mi.

Sawal la giled’a 51:18

Kayam tang nga d’i lang djivid’a yam vama ngat buzu ma an nga ni hangzina d’i, tang nga d’i lang djivid’a yam vama ngat buzu ma ngala d’uo mi.

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Jeremi 24:6

An mba ni tin iran kazi á wazi hohowoziya, an mba ni hulongôzï kur ambas sa kä wanda, an mba ni minizi akulo, an mba ni b’lagazi woi d’i, an mba ni pazi ni kä, an mba ni pad’azi woi d’i.

Jeremi 31:38

Ma didina mi de kua ala: Gola! Burâ nga mi mba. Kur bur máma a mba hulong min azì ma ngolâ akulo yam an Ma didina. Mba tinï ad’ud’a ata gong nga fiyak ka akulod’a hi Hananel-la yam gulumun ma ngui azì ma ngolîna dei gak mba ata vun agrek ma gulumuna mi kong kuana.

Jeremi 46:11

Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.