Jeremi 31:27 - Bible azumeina

²⁷ Ma didina mi dala: Gola! Burâ nga mi mba an mba ni zar suma ki d’uwarâ kur azì ma Israel-lâ kur azì ma Juda-na d’igi sana mi zar awuna kur asinena na.

Jeremi 31:27 Referans Kwoze

Wana ni mbaktumba hi Oze-d’a 2:23

An Ma didina nga ni dagu: Kur bur máma an mba ni arî Alo ma hulong humba, an mba ni hulong humba makulod’a. Akulod’a mba d’i hulong humba mandagad’a,

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Ezekiyel 36:9

Gola! Ki tchetchemba, an mba wa atagiya, an mba ni mbut iran kagiya, a mba zumugiya, a mba zar awuna kagi mi.

Zakari 10:9

An mba ni ndjoyôzi woi aduk andjaf suma. Sä ata yima deina azi mba djib’er kanu, a mba kak ki grozina, a mba hulongî mi.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Gat ta a hat á mbàd’id’a 30:9

Le agi gagi yagi kä avok Ma didina Alo magina, le agi ngomogi vun mam ma hed’a ki gat mam mba teteng nga a b’irit kur mbaktumba hi gat ndatid’a, le agi hulongôgi gen Ma didina Alo magina ki hurugi tu ki tagi pet mi ni, Ma didina Alo magina mba mi b’e vunam kagi kur sun nda lara ge pet ta agi mba lagizi kabogid’a. Grogina a mba zula, d’uwar magina mba mi zula, asine magina mba mi wul awuna mi, kayam Ma didina mba mi fe djivid’a atagi kua d’igi mi fat ata abuyogi ngolo na mi.

Ezekiyel 36:10

An mba ni zul suma kur ambas sa Israel-la pet. Suma a mba kak kur azì ma nglona kak ka dingâ, suma a mba hulong min azì ma b’lak keina akulo mi.

Sawal la giled’a 107:41

Wani mi sut mam suma hou suma hohoud’a woyo, mi zuluzi andjavazi d’igi ades tumiyôna na.