Jeremi 30:9 - Bible azumeina

⁹ Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Jeremi 30:9 Referans Kwoze

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

Sunda hi suma a sunuzinid’a 13:34

Alona mi de woi kam ala mam mba mi tcholom akulo aduk suma matna, mam aram mi dok hulong ata yima tchimba d’uo d’a, kayam mi dala: An mba ni b’e vunan kagi ki b’e vun ma an tinim iram vam ma gagazi ma an hle vunan kam mi David-na.

Sunda hi suma a sunuzinid’a 13:23

Nad’u andjafâ hi David-na ba, Alona mi he Jesus ma Suta mi Israel-lâ yam vun mam ma hled’a.

Sunda hi suma a sunuzinid’a 2:30

Kayam mam mi ma djok vun Alona, mi wala Alona mi hlum vuna ki gun tad’a ala mba mi pat sana tu ad’u ndjavam kuruma á kak yam zlam mam mba amula.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Matiye 2:2

A djop ala: Amulâ hi Juif-fâ ma a vud’uma, mi nga ni lara ge? Ami wamï tchitchiu mamba abo ma yorogona, ami mba á kud’uromu.

Sawal la giled’a 89:49

Sama mi ndak á kak karid’a bei matnina nga zu? D’oze sama mi ndak á prut tam mbei ata yima azuleinina nga zu? Tchol ndjö

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.