Jeremi 30:21 - Bible azumeina

²¹ Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 30:21 Referans Kwoze

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

2 Samuel 7:13

Ni mam ba, mba mi min gonga akulo ki simiyênu, an mba ni hum ad’enga á kak yam zlam mam mba amula gak didin.

Gat ta a hat á mbàd’id’a 33:5

Kid’a suma nglo suma avok suma a tok zlapa kandjafâ hi Israel-lâ mi d’a, Ma didina namulâ hi Jesurun-na.

Gat ta a hat á mbàd’id’a 18:18

An mba ni tchol ki ma djogon vunana tu ma adugï b’oziyozina ma d’igi ang na na, an mba ni tinim zla manda avunamu; mam mba mi dazi ahlena pet suma an mba ni hum vuna kazina.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

Matiye 27:37

Zla d’a a tchugumzi kamba a b’irit akulo ala: Wana ni Jesus amulâ hi Juif-fîna.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 2:2

A djop ala: Amulâ hi Juif-fâ ma a vud’uma, mi nga ni lara ge? Ami wamï tchitchiu mamba abo ma yorogona, ami mba á kud’uromu.

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Ad’u Tinda 18:27

Abraham mi hulong dum ala: Gola! An ve tan ad’enga á de zlad’a ki ang Salana, an mala nandaga d’a gugud’upa ki butna na.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Wana ni Zla d’a Djivi d’a Luc mi b’irita 24:26

Mbeî Mesi mi fe ndaka yam ahle ndazina tua ba, mi kal kur subur mamba d’uo zu?

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Sawal la giled’a 89:29

An mba ni tagam o manda burâ ki burâ; vun ma djin ma an djinim ki sed’ema mba mi ka’î hina ngingring.

Nehemi 7:2

An he vuna mi wiyena Hanani azi ki Hananiya ma ngolâ hi gong nga ndjol la Jerusalem-mbina, ni sama d’engzeng ma le mandara Alona kal suma dingîna mi.

Esdras 2:2

Azi mba ni ki Zorobabel, Josue, Nehemi, Seraya, Relaya, Mardose, Bilsan, Mispar, Bigavai, Rehum ki Bäna. Wana nablaud’a handjof suma Israel-lîd’a:

Ad’u Tinda 18:32

Abraham mi hulong dum kua ala: Salana, ar hurung zal li, an nga ni dang zlad’a kua; le ang fe suma d’ingêrâ dogo mi na? Ma didina mi hulong dum ala: Yam suma dogona, an mba ni b’lagam mbi.

Ad’u Tinda 18:30

Abraham mi hulong dum ala: Salana, le an dangû ni, ar hurung zal li; le ang fe suma d’ingêrâ dok hindi mi na? Ma didina mi hulong dum ala: Le an fe suma d’ingêrâ dok hindi ni, an mba ni b’lagam mbi.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Buzuk ka Abud’a 3:5

Alona mi dum ala: Ang hud’ï ka hî d’i, ang pat atuguruna woi asengû, kayam yima ang nga tchola kua wana nandaga d’a an tinit irat vata.

Gat ta a hat á mbàd’id’a 17:15

agi tinigi ni sama Ma didina Alo magina tamba mi manama. Agi tinigi ni wiyegi ma Israel-lâ, agi tinigi andjaf ma ding kagi d’i.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.