Jeremi 3:5 - Bible azumeina

⁵ Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 3:5 Referans Kwoze

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Ezekiyel 22:6

Gola! Suma nglo suma Israel suma kurungâ pet nge nge pî nga mi dap ad’engêm mbei á tchi matna.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Isai 64:9

Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Sawal la giled’a 85:5

Alo ma sud’umina, ar ang hulongômi blangâmina, ang ar hur mang ma zal ma kamina woyo.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

Sawal la giled’a 85:6

Ang nga zalî hurung kami hina gagak su? Hur ma zal mangâ i navok hina gak kur atchogoid’a katchogoid’a zu?

Jeremi 8:5

Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.