Jeremi 3:1 - Bible azumeina

¹ Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:1 Referans Kwoze

Ezekiyel 16:26

Ndak le gaulangâ ki ndrok suma Ezipte suma e’eûd’a, ndak nga i ki gaulang ma’â avogovok á zalan ki hurunu.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Jeremi 3:9

Israel-lâ kur djib’er mazi d’a afefeta a mbut ambasa ndjendjed’a, a le mizeuna kahinad’a kaguna mi.

Jeremi 2:23

Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.

Suma ka sariyad’a 19:2

Amam mba gor ndata ti bateid’a heî, ti aramu, ti i avo habut sä Betelehem mba Juda-d’a, ti kak sä kua gak tilâ fid’i.

Mise 2:10

Agi tchologi akulo, agi igiya! Nga ni yima tuk tad’a d’i! Kayam tcho magid’a, b’lak ka ngola nga d’i mba kagiya, ni b’lak ka kal teglesa.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 2:7

An mbagi kur ambas sa tub’ad’a tala agi tagi ahle suma djivi suma kurutna d’a, wani agi mbagiya, agi mbud’un ambas manda ambas sa ndjendjed’a, agi mbud’ugi ambas man nda an tat djonid’a vama ndjendje ma kalâ.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Gat ta a hat á mbàd’id’a 22:21

ata yi máma a nde ki sed’et tei avun azina habutna, suma hur azinina a durut kahinad’a, a tchat teyo, kayam ti le ni sun nda ata yat tuo d’a aduk Israel-lâ, ti b’lak tat navo habud’u. Hina wani, agi mba d’elegi tcho d’a led’a woi adigagiya.

Matiye 5:31

Jesus mi had’azi kua ala: A de mi suma adjeuna ala: Sama dik amambina, mi hat mbaktum mba dika.

Sawal la giled’a 106:38

Azi vo buzuwa suma bei zlad’a kazi ba na woyo, nala, buzuwa grozi suma andjofâ ki suma arop suma azi nga hazi woi vama ngat buzuna mi filei ma Kanan-nina. Ambasa ti mbut ndjendjed’a ki suma azi tchazina.

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Ezekiyel 16:30

Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge?

Ezekiyel 16:35

Ndak atcha d’a gaulangâ, ndak hum zlad’a hi an Ma didinid’a.