Jeremi 29:13 - Bible azumeina

¹³ Agi mba halanu, agi mba fanu, kayam agi mba halan ki hur ma tuna.

Jeremi 29:13 Referans Kwoze

Sawal la giled’a 119:2

Suma a nga ngom vun mam ma hed’a suma a nga halam ki huruzi petna, a le furîd’a mi.

Matiye 7:7

Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Sawal la giled’a 119:145

Ma didina, an nga ni yang kad’engên pet; ang humunu, kayam an ngom gat manga.

2 Sunda Hamuleinid’a 31:21

Kur sun nda lara ge pet ta mam lat yam gong nga kud’ora hAlonid’id’a, mi lat ni ki ge yamba kä yam gat mamba ki vun mam ma hed’a, mi he tam á we minda hAlonid’a mi. Mi lazi hina pet ni ki hur ma tuna, mi fe djivid’a kua mi.

Sawal la giled’a 119:58

An nga ni halang ki hurun pet á lang tang djivid’a; ar ang b’e vunang kan d’igi ang hle vunang na.

2 Sunda Hamuleinid’a 22:9

Mi tin ad’um á hal Ahaziya. A vumî Samari ata yima mi i ngei kuana, a mbam mi Jehu, a tchumu, a tozom mi. Kayam a dala: Ni Josafat ma mi hal Ma didina ki hur ma tunina goroma. Sama hi Ahaziya ma ar á tamulina nga d’uo d’a.

2 Amuleina 23:3

Amulâ mi ar tchola akulo ata yam ata yima nding ma a minim á de zlad’ina, mi djin vunam ki Ma didina á tit yam vun ma he mama, yam gat mam mba tetenga ki hurun tu ki tam pet mi, á tit yam zlad’a hi vun ma djin mam ma a b’irim kur mbaktum ndatina mi. Suma pet a djin vunazi yam zla ndata mi.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Sawal la giled’a 119:69

Suma yam mba ad’enga a nga togon zla d’a kad’a kanu, wani an nga ni ngom gat manga ki hurun pet.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

1 Sunda Hamuleinid’a 22:19

Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Sawal la giled’a 145:18

Ma didina, mi nga go ki suma a nga yuma, mi nga go ki suma a nga yum ki hur ma tunina.

Isai 65:10

Saron mba d’i mbut ni yima pol d’uwar man ma gureina, hor ra Akor-ra mba d’i mbut ni kangâ ma burâ hi d’uwar ma nglona yam man suma a halana.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.