Jeremi 26:14 - Bible azumeina

¹⁴ Wani anu, an ni hur abogi da’. Agi lagi vama ndak iragi á led’ina.

Jeremi 26:14 Referans Kwoze

Josue 9:25

Gola! Ki tchetchemba, ami ni hur abong da’! Ang le vama djivi ma d’ingêr ma hurung minim á led’a ki sed’emina.

Jeremi 38:5

Amulâ Sedekiyas mi hulong dazi ala: Mabogi wana! An amulâ pî, ni ndak á d’el vama agi minima d’i.

2 Samuel 15:26

Wani le Ma didina mi dala: An hurun vang nga d’uo d’angû ni, an wana. Ar mi le vama mi lum tam djivid’ina.

Daniel 3:16

Sadrak, Mesak ki Aben-Nego a hulong de mamulâ Nebukanezar ala: Amulâ, ami ndak á hulongông zla d’a de d’a yam zla ndata d’i.

Jeremi 26:15

Wani agi wagi woi tetet ala le agi tchanu ni, agi ki suma a nga kaka kur azì ma ngol ma wanina, agi hlagi ni buzuna hi sama bei zlad’a kama kagiya, kayam Ma didina mi sununï atagi gagazi á dagi zla d’a pet ta agi humugizi ki humagi wanda.

2 Sunda Hamuleinid’a 24:22

Amulâ Jowas mi djib’er nga yam djivi d’a Jehojada Zakari abum mi lat ki sed’emba d’i, mi tchi goroma Zakari. Ata yima Zakari nga mi lá matnina, mi dala: Ar Ma didina mi we, mi djop ad’u zla ndata ni mamu!

Ester 3:11

Amulâ mi de mi Haman ala: An arang beged’a ki sum ndazina pet nabongû; ang le vama hurung minima.