Jeremi 23:36 - Bible azumeina

³⁶ Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Jeremi 23:36 Referans Kwoze

2 Pierre 3:16

Ahle suma mi b’irizi kur mbaktumba yam ahle ndazina petna, kur mbaktum mamba, ahle suma ding suma ad’enga heî á wazi ad’uzina a nga. Suma bei wed’a suma ad’engêzi ndak kuo na, a nga gun zla ndata d’igi a nga gun zla d’a ding nga a b’irit kur mbaktumba hAlonid’a na mi. Azi le hina á b’lak azi tazid’a woyo.

Isai 3:8

Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Sawal la giled’a 120:3

Agi suma mbut ira, Alona mba mi ngobogi ni ki me ge?

Sawal la giled’a 64:8

Wani Alona nga mi yed’ezi ki yeû mamba, nga mi yed’ezi ki mbuleina bei azi we ba.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Galat-na 6:5

Kayam nge nge pî mba mi zi anek mamba tata.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Wana ni Zla d’a Djivi d’a Luc mi b’irita 19:22

Amulâ mi dum ala: Angî azong ma tchona. An nga ni kang sariyad’a kang yam zla d’a ndavunanga. Ang wala an ni sama ad’eng ma kal papana, an nga ni hle vama an tinim nga kä d’uo na, an nga ni fet awu ma an zaram nga d’uo na.

Matiye 12:36

Wani an nga ni dagiya, zlad’a pet ta suma a nga dat hawa yayaka, a mba hulongôt ded’a kur bur ma dabi ma ka sariyad’a.

Isai 28:22

Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.

Zla d’a d’ogolâ 17:20

Sama nga ki hur ma tchonina nga mi fe djivid’a d’i, sama nga mi de zla d’a ata yat tuo d’ina nga mi nde kur ndaka mi.

Sawal la giled’a 149:9

á kazi sariya d’a a b’irit nga kur mbaktumbid’a kaziya. Wana ni subura hi mam suma d’engzengîd’a pet. Agi gilegi Ma didina!

Sawal la giled’a 12:3

Suma a nga de tazi zla d’a kad’a, zla d’a avunazid’a ni mbulâ, azi ni suma mbàmbàd’a mi.

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

Jeremi 23:37

Ang de mi ma djok vun máma ala: Ma didina mi hulong humba nana ge? Ma didina mi de nana ge?

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.