Jeremi 23:11 - Bible azumeina

¹¹ Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

Jeremi 23:11 Referans Kwoze

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Ezekiyel 23:39

A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina.

Jeremi 32:34

A nga tin filei mazi ma ndjendjed’a kur gong nga a kud’uron kuad’a á mbud’ut ndjendjed’a.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Jeremi 11:15

Ma didina mi dala: Suma an hurun vazi heîna a le nga sun nda irata d’i, a mba kur gong manda á le ni me ge? A djib’er ala vama azi hlan vunazi kama d’oze ahle suma a ngad’andji buzunina, a mba kengêzi woi abo ndaka, a mba buzuk kei kuru zu?

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 7:30

Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Ezekiyel 8:11

Suma nglo suma Israel-lâ dok kid’iziya a nga, adigazi Jäzaniya Safan goroma mi nga mi. Azi pet a nga tchola avok filei ma tetengâ, nge nge pî mi nga ki va mam ma ngal dubang ma his djivid’ina abomu, a nga ngal dubang ma his djivid’ina. Andosâ nga mi rip kazi kä ririp mi.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

2 Sunda Hamuleinid’a 33:5

Mi min yima ngal ahle suma ngat buzu ma dingâ teteng mahle suma akulona kur atrang nga mbà d’a nga avun gong nga kud’ora hi Ma didinid’id’a.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Hor ma tchina 2:20

Ma didina, ang gola, ang we suma ang nga djobozi vunazina! Na ni djivid’a á aropma a mut grozi suma kuruzi suma azi huruzi vazi heîna zu? Na ni djivid’a á tchi suma ngat buzuna ki suma djok vuna kur gonga hi ang Salad’a d’a a tinit irat vata zu?

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Ezekiyel 44:10

Ma didina mi de kua ala: Suma hi Levi suma a d’es sei dei ki sed’en ata yima Israel-lâ a d’es sei dei ki sed’en á tit ad’u filei mazinina, a mba zi aneka hi tcho mazid’id’a kaziya.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.