Jeremi 23:1 - Bible azumeina

¹ Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Jeremi 23:1 Referans Kwoze

Jeremi 10:21

Jeremi mi dala: Kayam suma pola yazi d’i vit teyo, a hal nga Ma didina d’i. Kayam ndata, a kid’ak keyo, suma azi polozina pet a ndjoî woi mi.

Ezekiyel 13:3

Salad’a Ma didina mi dala: Ni zla d’a hohoud’a yam suma djok vun suma lili suma a nga tit bugol djib’er mazid’a bei we va ba na.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Jeremi 22:22

Mak suma pola, simetna mba mi torozi woi pet; suma a le ka’â a mba yozi magomba. Ata yi máma ndak mba d’i mbut zulona, ndak mba d’i mang ngei yam asa’at ta ndak lata.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jean 10:12

Sama le sun nda beged’a ni ma pol tumiyôna d’i, tumiyôna a ni mama d’uo mi. Le mi we ngûna nga djïya ni, mi ar tumiyôna woyo, mi ringâ. Ngûna mi mba, mi vik tumiyôna, mi b’rawazi woi yayak.

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Jeremi 23:2

Kayam ndata, an Ma didina Alona hi Israel-lîna, nga ni de mi suma a nga pol sum manina ala: Agi ndjoyôgi tumiyô mana woyo, agi arazi á vit teyo, agi tinigi nga humagi kazi d’i. Gola! An nga ni mba á ngobogi yam sun nda asa’at ta agi lata! An Ma didina ni de na!

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Ezekiyel 34:31

Salad’a Ma didina mi dala: Agi tumiyô mana, agi tumiyô suma kur yi man ma te hatnina, agi ni suma wurana, an nAlo magina mi.

Ezekiyel 34:21

Kayam agi ndjazlagi tumiyô suma amangeîna ki fefed’egi ki hîhîngâgi kadivigi gak agi ndjoyôzi woi avo,

Jeremi 2:26

D’igi sama kula mi mbut zulona ata yima a vum ki kulina na, agi Israel-lâ kamulei magina ki magi suma nglona ki magi suma ngat buzuna ki magi suma djok vuna, agi mba mbud’ugi zulona ni hina mi.

Jean 10:8

Suma a mba avorona pet a ni suma kul suma tchi matna, wani tumiyôna a nga humuzi delezi d’i.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Ezekiyel 36:38

Azì ma nglo ma b’lak keina mba mi oî ki suma d’igi d’uwar ma a tinim iram vam ma a mbam Jerusalem á ngat buzuna ata yima vun til ma a ngama na. Azi mba wala an ni Ma didina.

Ezekiyel 34:1

Ma didina mi dan ala:

Zakari 10:3

An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.