Jeremi 20:9 - Bible azumeina

⁹ Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 20:9 Referans Kwoze

Sawal la giled’a 39:3

Kayam ndata, an ka’î d’igi sama ndumîd’a na bei de zlad’a. Le an noî á de zla d’a djivid’a pî, pupuluk manda nga d’i i avogovogo.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Sunda hi suma a sunuzinid’a 17:16

Kid’a Paul nga mi djubuzi Aten tua d’a, hurum zal ngola heî, kayam mam we azì ma ngol máma mi nga oîd’a ki fileina.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Wana ni Zla d’a Djivi d’a Luc mi b’irita 9:62

Wani Jesus mi dum ala: Sama tin abom yam kawei d’a zuma, le mi mbut iram blogomu ni, mi ndak nga kayam leud’a hAlonid’a d’i.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 23:9

Wana ni zla d’a Jeremi mi dat yam suma djok vunid’a: Hurun b’lak kurun krovo, asogon pet nga mi zlaga. An mbut ni d’igi sama mi gurut ki sümina na, d’igi sama mi hle titigir abo süm guguzlud’ina na yam Ma didina, yam zla mam mba yed’eta mi.

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Ezekiyel 3:3

Mi dan kua ala: Ang gor sana, ar ang hop hayangû, ang d’or tang ki mbaktum mba d’ut ta an hangzid’a. An tad’u. Tadjib’eta avunan d’igi mbul ayuma na.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Jonas 1:2

Ang tchol i kur azì ma ngol ma Ninif-fâ, ang ngobozi kad’enga, kayam an we tcho mazid’a ti kal ngola heî gak ti mba akulo geven ka hî.

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.