Jeremi 20:8 - Bible azumeina

⁸ Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Jeremi 20:8 Referans Kwoze

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Wana ni Zla d’a Djivi d’a Luc mi b’irita 11:45

Ma hat gata tu mi dum ala: Ma hat suma, zla d’a ang dat wanda, ang ngulumi ni ami mi.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Jeremi 15:10

Jeremi mi dala: Asunu, ni zla d’a hohoud’a kanu, kayam ndak vud’un sama yalâ sama huneîd’a kur ambas ndata pet! An he nga va mi sa ki mbiyom mbi, an ve nga vama mbiyo abo sa d’uo mi. Wan pî, suma pet a nga ngulunu.

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Habakuk 1:3

Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

2 Amuleina 2:23

Kid’a Elise mi tchol Jeriko á i Betel-la, kid’a mam nga glovot tua d’a, gro andjofâ a tcholï hur azì ma ngolâ, a nga san ad’um ala: Ang iza, ang ma yang yod’ina! Ang iza, ang ma yang yod’ina!

Isai 57:4

Agi lazagi ni nge ge? Agi ngogi vunagi woi hagak agi trâgi sinagi bibiliu nata nge ge? Agi ni gro suma bei hum vuna d’uo zu? Agi nandjaf ma ka zlad’a mi d’uo zu?