Jeremi 20:12 - Bible azumeina

¹² Ma didin ma ad’engêng kal petna, angî ma kuk hur suma d’ingêrîna, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Jeremi 20:12 Referans Kwoze

Jeremi 11:20

Wani ang Ma didin ma ad’engêng kal petna, angî ma ka sariya ma d’ingêrâ, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Sawal la giled’a 54:7

Ar tchod’a hulong yam man suma djangûna; yam gagazi manga, ang duguzi vunaziya.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Sawal la giled’a 59:10

Alona, ang nad’eng manda, an tin iran ni kang angû, kayam angî yi man ma ngeid’a.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Isai 37:14

Ezekiyas mi hle mbaktumba abo suma sun suma Asiri-na, mi ndumud’u. Ata yi máma mi i kur gong nga kud’ora hi Ma didinid’a, mi malat tei avok Ma didina.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Sawal la giled’a 11:5

Ma didina nga mi hal hur sama d’ingêrâ, wani nga mi noî ma asa’atna ki ma mi min murud’umba heîna woyo.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

Jeremi 12:8

Sumala ni mana na, a mbut azlona kan aduk agud’a, a nga toï breîd’a atanu. Ni kayam ndata ba, an noyôzi woyo.

Isai 38:14

An nga ni tchi d’igi ababeina mi tchina, an nga ni zam tan d’igi gugud’a na. Iran ndi mbut hohoud’a abo so d’a ni so iran akulod’a. Ma didina, an nga kur ndaka. Ang ndjununu.

Sawal la giled’a 86:4

Ang ar an azong mangâ ni le furîd’a, kayam an he tan pet ni mi ang Salad’a.

2 Sunda Hamuleinid’a 24:22

Amulâ Jowas mi djib’er nga yam djivi d’a Jehojada Zakari abum mi lat ki sed’emba d’i, mi tchi goroma Zakari. Ata yima Zakari nga mi lá matnina, mi dala: Ar Ma didina mi we, mi djop ad’u zla ndata ni mamu!

1 Samuel 1:15

Anne ti hulong dum ala: An gurut nga ni gurud’a d’i, an tche nga süm mbuo mi, an natcha d’a hohoud’a, an mba ni ki djib’er manda avok Ma didina.

Sawal la giled’a 58:10

Avok ka azi bei wala ang mba gad’aziya d’a, ang fozi woi d’igi sana mi fo butna woi na.