Jeremi 2:23 - Bible azumeina

²³ Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.

Jeremi 2:23 Referans Kwoze

Jeremi 7:31

A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.

Zla d’a d’ogolâ 30:12

Suma dingâ a nga djib’er ala azi ni suma yed’etna, wani a mbus nga tazi woi kur ndjendje mazid’a d’i.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Jeremi 9:14

Kayam azi tit ni yam djib’er ra kuruzi krovo d’a bei wad’ud’id’a, azi tit ni bugol Bäl d’igi abuyozi a had’azi na mi.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Zla d’a d’ogolâ 30:20

Wani ni lovota hatcha d’a mizeunid’a: Nga d’i le mizeuna, nga d’i mbus tat teyo, nga d’i dala: An le nga tcho d’i.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 36:2

Zla d’a de d’a ndjendjed’a hi ma asa’atnid’a ei ni kurum krovo dei, nga mi le mandara Alona d’i.

Ester 8:16

Juif-fâ siyazi nga woi ges ki sanda, a nga le furîd’a, a nga le hur ma hapma, a hle bangâna mi.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 16:10

Fata ang mba de zla ndata pet mi sum ndazinid’a, a mba dang ala: Ni kayam me ba, Ma didina mi de zla ndak ka ngol ndata kami hina ge? Tchila mamid’a ni me ge? Ami lami ni tcho me mi Ma didina Alo mamina ge?

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.