Jeremi 2:15 - Bible azumeina

¹⁵ A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 2:15 Referans Kwoze

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Sofoni 3:6

Ma didina mi dala: An daba wa andjaf suma woi pet, an b’lak wa gong mazi d’a ndjol la fiyak ka ad’eng nga ngungud’a woyo, an mbut wa ir palumba hazì mazinid’a djona, an b’lak wa azì mazi ma ngol máma; sama kal kur nga d’uo mi na, sama kak kur nga d’uo mi.

Sofoni 2:5

Ni zla d’a hohoud’a yam agi andjaf ma Keret ma nga kaka avun alum ma ngolîna. Ndak Kanan ambas sa Filistê-d’a, Ma didina mi dala: an mba ni b’lagak keyo, a mba fe sama kak kuruk ki.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Nahum 2:11

A hurum ahlena, a b’lak ahlena, a ar nga va tu d’i. Vunadigazi nga d’i tumuzi hihir, guguvazi nga mi zlak kikib’i, ad’engêzi d’i nga d’i, irazi d’i tchuk susub’ok mi.

Amos 3:12

Gola! Ma didina mi dala: A mba sut Israel suma a nga kaka kä Samari yam azangâ ki tapi ma djifîna, ni d’igi ma pola mi prut asema mbà d’oze abo humba avun azlona na.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Amos 3:4

Azlona bei mi ve va ba ni, mi to breîd’a aduk agud’a zu? Gor azlona bei mi ve va ba ni, mi er ad’um tchina ata yam ma domina zu?

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Ezekiyel 5:14

Ndak Jerusalem, an mba ni mbud’uk djona ki vama ngula aduk andjaf suma a nguyu’â, ir suma a nga kalâ pet mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 26:9

Ni kayam me ba, ang djok vun Ma didina ala: Gong nga wanda mba d’i b’lak kei d’igi Silo na, azì ma ngol ma wana mba mi b’lak kei a mba fe sama kak kur ruo ge? Ata yi máma suma a nga kur gong nga kud’orina a tok yam Jeremi.

Jeremi 25:30

Wani ang djogozi vuna yam ahle ndazina pet, ang dazi ala: Ma didina nga mi toï breîd’a akulo; suma a nga humum delem ata yam ma kak ma yed’etna, mi nga breî ata yam ma kaka, nga mi de zlad’a ki delem akulo d’igi suma a nga miret guguzlud’ina na á ngop suma a nga kaka yam andagad’ina pet.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Isai 24:1

Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Wana ni mbaktumba hi Job-pa 4:10

Alona mba mi sengêzi oî mazi d’a d’igi azlona na d’a, mba mi kuzuzi siyazi ma d’igi sï gro azlona na na woi mi.

Suma ka sariyad’a 14:5

Samson mi i kabum azi kasum Timna. Kid’a a mbaza aduk guguzlud’a hi suma Timna-nid’a, atogo hina zak azlo ma azongâ mi ndeï ata Samson.

Jeremi 51:38

Suma Babilon-na a mba tchi d’igi azlona na, a mba gureî d’igi gro azlona na.

Ezekiyel 36:3

Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.

Jeremi 6:8

Ndak Jerusalem, ndak hum gat ta an nga ni daksid’a. Le d’uo ni, an mba ni wal lei ki sed’egu, an mba ni mbud’uk djona, an mba ni mbud’uk ambas sa sa mba mi kak kurut tuo d’a mi.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 10:22

Agi humugi vun ma wüna hi suma ma nga mi mbana, ni siwel la gandjau d’a ti tcholï yam ambas sa abo ma norâ á mbut azì ma nglo ma Juda-na djona á mbud’um domina hi hânina mi d’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.