Biblia Todo Logo
Bib sou entènèt

- Piblisite -




Jeremi 18:22 - Bible azumeina

22 Fata ang mba kades azigarâ kazi dumuzi á duruzid’a, ar a hum tchi ma hohoud’a avo hataziya, kayam azi djugot zula kä avoron á vanu, a ngei nga dauna kä gumun avoron mi.

Gade chapit la Kopi




Jeremi 18:22
23 Referans Kwoze  

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.


Ma didina, ang ngomon abo suma asa’atna, ang ngomon abo suma murud’um suma a nga hal lovota á pugun kä na.


Kur bur máma a mba hum tchina hadifa ki siwel la ayîna yam azì ma nglo ma ad’eng ma ngunguna, yam yima ndjol ma fiyak ma akulo deina mi.


Ata yi máma, Fariziyêna a i a ndjak vunazi ala ni nana ba, azi ve Jesus ki zla d’a de d’a avunamba ge?


An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.


Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.


Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.


Ndak gor ra Galim-mba, ndak er ad’uk akulo, ndak Layis, ndak gol tak djiviya, ni zla d’a hohoud’a kak ndak Anatot.


Buniyôna ki ndrona a tchol sä woi hina dei abo mbil mana, simiyên a tchol sä woi hina dei mi.


Suma yam mba ad’eng suma a nga tit yam gat manga d’uo na, a djugot nga zula kä avoronu.


Kayam suma asa’atna a nga aduk sum mana. Azi ni d’igi suma a nga tchiget á gun dauna kä a vik aluweinina na, a nga gun abeid’a kä, a nga vik suma mi.


Ar sa máma mi mbut ni d’igi azì ma nglo ma Ma didina mi b’lagam mbei bei mi wum hohowom ba na na, ar mi hum tchina ki yorogod’a, ar mi hum tau d’a ayîna ki falei d’ad’ar mi.


Suma yam mba ad’enga a nga gun dauna kabeid’a kä avoronu, a nga gun abei kelegeuna kä avun lovota kanu, a nga burun kä á tchanu. Tchol ndjö


Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.


Swiv nou:

Piblisite


Piblisite