Biblia Todo Logo
Bib sou entènèt

- Piblisite -




Jeremi 18:20 - Bible azumeina

20 Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Gade chapit la Kopi




Jeremi 18:20
31 Referans Kwoze  

Alo mana, ang tak ngol mang nga kal papad’a woi kur akulod’a, ar subur manga ti b’o woi yam andagad’a pet mi.


Kayam ni bei zlad’a ba, azi gun abei mazid’a kä á vanu; ni bei zlad’a ba, azi djugot zula kä kan á tchanu.


Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.


Azi nga hulongôn tchod’a yam djivid’a. Gola! An arî van tu.


Fata ang mba kades azigarâ kazi dumuzi á duruzid’a, ar a hum tchi ma hohoud’a avo hataziya, kayam azi djugot zula kä avoron á vanu, a ngei nga dauna kä gumun avoron mi.


Sama mi djugot zula kä na, mba mi nde kuru; sama mi tcho ir gulumunina, guguina mba mi ed’emu.


Sama mi djugot zula kä avok ndramina, mam tam mba mi nde kuru; sama nga mi ligat ahinad’ina, mba d’i hulongî sulogota kä kamu.


Suma asa’atna a nga djubun á ban ndeyo, wani an ni nga kaka tchugot á hum vun mang ma hed’a.


Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.


Jesus mi hulong dazi ala: An tagagi sun nda djivi d’a ngola hAbunda. Ni yam sun me ba, agi min durun kahinad’a ge?


Ma didina, ami wami asa’at mamid’a ki tchod’a hi simiyêmid’a, kayam ami lami tchod’a avorongû.


Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.


Ma didina mi dala: Ang Jeremi, ar ang tchenen yam sum ndazina d’i. Ar ang mal vunang á tchi d’oze á tchenen kazi d’oze á tchenen tchen nda hud’a kazi d’uo mi, kayam an nga ni humung ngi.


Sama nga mi hulong tchod’a yam djivid’ina, ndaka mba d’i aram aziyam mbi.


Wani man suma djangûna a nga kad’enga, va nga mi lazi d’i; suma a noyôn hawa ya’â a nga ablaud’a.


Gola! Sama asa’atna nga mi min tam á le tchod’a, nga mi nga hurum á le tchod’a, nga mi nde ki zla d’a kad’a abua.


Agi lagi togina yam suma hokuyod’a, agi mbud’ugi buniyôgina ni vama mbut abogina.


Jonatan mi de zla David djivid’a avok abum Saul, mi dum ala: Ang amulâ, ar ang le tchod’a á kak djangûna kazong mangâ David ti, kayam mam lang nga tchod’a d’i, wani mi le ni djivid’a ki sed’eng ngö.


Kayam suma asa’atna a nga aduk sum mana. Azi ni d’igi suma a nga tchiget á gun dauna kä a vik aluweinina na, a nga gun abeid’a kä, a nga vik suma mi.


Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!


Jeremi mi tchen Ma didina ala: Ang tin humang humunu, ang hum zla d’a man suma djangûna a nga dat kanda.


Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.


Ma didina, ang we tcho d’a azi landjid’a. Ang kan wa sariya manda.


Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.


Swiv nou:

Piblisite


Piblisite