Jeremi 17:16 - Bible azumeina

¹⁶ Ma didina, Ni an ba ni noî á mbut mang ma pola d’i. An min nga ala ndaka ti mba yam suma d’uo mi. Ang we, kayam ang we zla d’a ndavunanda pet.

Jeremi 17:16 Referans Kwoze

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Jacques 3:1

B’oziyona, ar suma ablaud’a adigagi a min á mbut suma hat suma d’i, kayam agi wagiya, ei suma hat suma, a mba kei sariyad’a kei ngola kal suma dingâ.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 18:20

Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Jeremi 12:3

Ma didina, ang wanu, ang golon mi. Ang halan hurunu, an nga go ki sed’engû. Ar ang yozi woi d’igi suma a yo tumiyôna a izi á ngata na, ar ang tinizi irazi vazi yam bur ma tchid’a.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.