Jeremi 15:18 - Bible azumeina

¹⁸ Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Jeremi 15:18 Referans Kwoze

Jeremi 30:15

Ni kayam me ba, agi tchigi yam dak magid’a, yam mbil magi ma nga mi tchil luo na ge? Ni kayam tcho magi d’a zul heîd’a ki tcho magi d’a ngola ba, an ar ahle ndazina a lagi ni na.

Wana ni mbaktumba hi Job-pa 34:6

Kur d’ingêr manda hina pet pî, an mbut ma ka zlad’a; an le nga tcho d’uo wan pî, mbilin nga mi tchil li.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Jeremi 30:12

Ma didina mi dala: Dak magid’a ni dak ka ngola, mbil magina ni mbil ma bei tchila ba na.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Sawal la giled’a 6:3

Ma didina, ang wan hohowonu, kayam an ni ma bei ad’enga; Ma didina, ang sud’unu, kayam an nga ni zlaga.

Mise 1:14

Kayam ndata, agi mba walagi tagi woi ki suma Moreset-Gat-na. Suma Aksip-ma a mba mbut ni vama mbut ir amulei suma Israel-lâ.

Wana ni mbaktumba hi Job-pa 14:11

Mbiyo alum ma nglona pî, mi ndak á val leyo, mbiyo aluma pî, mi sid’am kä, mi so woi mi.

Jeremi 20:18

Ni kayam me ba, an nde woi kur asun á fe ndaka ki pupuluka á dap burun kur zulona na ge?