Jeremi 14:13 - Bible azumeina

¹³ Ata yi máma an hulong dum ala: Salad’a Ma didina, gola! Suma djok vuna a nga dazi ala: Agi mba wagi ayî ma durâ d’oze baktara d’i. Wani Ma didina mba mi hagi b’leng nga halas sa gagazid’a ka hî ata yima wana.

Jeremi 14:13 Referans Kwoze

Jeremi 6:14

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 4:10

Ata yi máma an dala: Salad’a Ma didina, ang lop sum ndazina ki suma Jerusalem-ma ni loba, kayam ang dala: Agi mba kagagi ki b’leng nga halasa, wani mbigeu d’a fiyaka ti nga tinda kelemi á ngata.

Jeremi 8:11

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 5:12

Suma Juda-na a tin vunazi yam Ma didina, a dala: Mi nga d’i. Ndaka nga d’i mba kei d’uo d’a, ei mba wei ayî ma dur roze baktarad’a d’uo mi.

Jeremi 1:6

An hulong dum ala: Salad’a, Ma didina, an ni gogorâ tua, an ndak nga á de zlad’a aduk suma d’i.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Jeremi 5:13

Mam suma djok vuna a ni d’igi simetna na. Zla nga kuruzi hina nde d’i. Ar zla ndata ti mba kazi hina.

Ezekiyel 12:24

Kayam vama hawa yak ma nde tam mbei ir sanina d’oze zla d’a de d’a aboi d’a lop vun suma d’a yam ahle suma a mba lena, a mba fazi aduk Israel-lâ d’uo d’a.

Jeremi 20:6

Wani ang tang Pasehur ki suma a nga kaka avo hatangâ pet, a mba yogi magomba, a mba ing Babilon. Ang mba mit sä kua, a mba tozong sä kua zlapa ki buniyông suma ang djogozi vun ma ka zlad’ina pet mi.

Jeremi 37:19

Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?