Jeremi 13:23 - Bible azumeina

²³ Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Jeremi 13:23 Referans Kwoze

Jeremi 2:22

Salad’a Ma didina mi dala: Le agi mbuzugi tagi woi ki tumuta ki sabulâ yagi ablaud’a pî, tcho magid’a mba d’i arî ndala avoron hina baba.

Jeremi 9:5

Azi ka ni zlad’a mi ndrozina, a nga de zla d’a gagazid’a d’i. Azi nga par sinazi papar á ka zlad’a, a seî abo tchod’a led’a mi.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Zla d’a d’ogolâ 27:22

Le ang du sama lilid’a kur zuzud’a zlapa kawuna pî, lili mamba mba d’i wal lei ki sed’em mbi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

1 Samuel 19:21

A mba de zla ndata mi Saul; mi tchuk suma dingâ; azi nde djok vun Alona mi. Mi tchuk suma yam á hindid’a, a djok vun Alona hina mi.

2 Amuleina 17:40

Wani andjaf sum ndazina a min hum mbi, a nga le ni sun mazi d’a azi nga lat adjeu d’eid’a.

Ma tchi wala 1:15

Vama gun ndei dana, sana mi ndak á d’obom mbi; vama nga d’uo na, sana mi ndak á ndumum mbuo mi.