Jeremi 11:21 - Bible azumeina

²¹ Ni kayam ndata ba, Ma didin ma ad’engêm kal petna mi nga ki va á de mi suma Anatot ndazina. Ni suma a hal á tchana, a dan ala: Ang ar bei djok vuna ki simiyê Ma didina. Le d’uo ni, ang mba mit akulo hur abomiya!

Jeremi 11:21 Referans Kwoze

Amos 2:12

Wani agi hagi süm guguzlud’a mi suma a tin tazi irat vatna agi nga d’elegi suma djok vuna ala a djogon vunan ndei d’i.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Wana ni Zla d’a Djivi d’a Luc mi b’irita 4:24

Mi dazi kua ala: Gagazi, ma djok vun Alona, suma a nga hum ngola yam ambazam mbi.

Matiye 22:6

Suma hiuna a vik azungeî mama, a lazi ndaka, a tchaziya.

Matiye 21:35

Suma sunda a yo azungeî mama, a to ma hina, a tchi ma hina, a dur ma hindina kahinad’a mi.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Mise 7:6

Kayam gorâ mba mi ngul abumu, gora mba d’i tchol huneîd’a kasud’u, atchad’a akunot ta hi gorotnid’a mba d’i tchol huneîd’a ki sed’ed’u, nge nge pî suma avo hatama a mba kak djangûna ki sed’emu.

Jeremi 26:8

Ata yima Jeremi mi dap zla d’a de d’a Ma didina mi hum vuna kat á ded’a mi suma petina, suma ngat buzuna, suma djok vuna ki suma hawana pet a vumu, a dum ala: Ang ndak á tchid’a!

Jeremi 1:1

Wana ni zlad’a hi Jeremi Hilkiya goromid’a. Mam mi ma ding tu aduk suma ngat buzu suma a nga kaka avo Anatot yam ambas sa Benjamin-ndina.

Jeremi 32:7

Gola! Hanamel abung ma dingâ Salum goroma nga mi djï geveng á dang ala: Ang gus asine man ma sä Anatot-na, kayam ang nga ki lovota á mbud’um á hlumu.

Jeremi 34:20

abo mazi suma djangûna, abo suma a halazi á tchid’ina. Mad’azi mba mi mbut ni tena haluwei suma akulona kamburei suma yam andagad’ina mi.

Jeremi 1:19

Azi mba durung ayîna, wani azi mba kus kang ngi, kayam an nga zlapa ki sed’eng á sud’ung ngeyo. An Ma didina ni de na.