Biblia Todo Logo
Bib sou entènèt

- Piblisite -




Jeremi 11:15 - Bible azumeina

15 Ma didina mi dala: Suma an hurun vazi heîna a le nga sun nda irata d’i, a mba kur gong manda á le ni me ge? A djib’er ala vama azi hlan vunazi kama d’oze ahle suma a ngad’andji buzunina, a mba kengêzi woi abo ndaka, a mba buzuk kei kuru zu?

Gade chapit la Kopi




Jeremi 11:15
29 Referans Kwoze  

Azi ni suma tazi nga d’i lazi djivid’a á le tchod’ina, a ni suma a nga le hur ma hapma á le zla d’a ata yat tuo d’ina.


Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.


Wani ki tchetchemba, agi nga suburugi tagiya, agi nga lagi yam mba ad’enga. Andjaf subur ta d’a hina d’a ni tchod’a.


Sama od’a tam nga d’i lum djivid’a yam tchod’a d’i, wani tam mbi lum djivid’a ni yam gagazid’a.


Ni yam Zla d’a Djivid’a ba, Juif-fâ a mbut suma djangûna kAlona kagiya. Wani yam man nda Alona mi manazid’a, mi le kazi ngola ni yam abuyozi ngolo.


Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.


Wani ata yima amulâ mi kal avo á gol suma mi yazina, mi we sama dingâ mi tchuk nga baru ma tela atam mbi.


Ma didina mi dan kua ala: Ang i veï atcha d’a banatna nga mi le kat heî d’a nga d’i le mizeunid’a, ang le kat d’igi an Ma didina nga ni le yam Israel-lâ na. Azi nga mbut irazi yam alo ma dingâ, a nga le d’od’oka yam woî guguzlu ma a hum mi fileinina, wan pî an nga ni le kaziya.


Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!


Ma didina mi dala: An noî gong man nda kud’ora woyo, an ar sum mana woyo, an he suma an le kazi heîna abo man suma djangûna mi.


Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.


Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.


Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.


Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.


Sama nga mi tos humam mbei á hum gatina, Alona mi gol tchen mamba ni vama ndjendjed’a.


Sama gurut ma nga mi dur suma kakud’a ki yeûd’a mi hal á tchi matnina,


Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.


Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.


Sama lilid’a mi gol tcho d’a led’a ni vama luna iramu, wani sama wad’ud’a, tam nga d’i lum djivid’a yam ned’a mi.


Wani Alona mi de mi sama asa’atna ala: Ang ma noî ngop manda woina, ang ma tchuk zla manda woi kazigangâ, le ang ndum gat manda woi avok suma, le ang nga ki vun man ma djinda navunang go ni, djivi mata ni me ge?


Ang tak sum mangâ ndaka ngola. Kayam ndata, ami nga tchami tata abo ndaka d’igi suma a nga gurut ki sümina na.


An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?


Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.


Swiv nou:

Piblisite


Piblisite