Jeremi 10:8 - Bible azumeina

⁸ Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 10:8 Referans Kwoze

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Isai 44:19

Sa tu ma adigazi ma mi nga ki djib’era kurum mboze ma nga ki wad’ud’a d’oze ki d’alâ ma mi dala: An ni ngal wa ma dingâ woi kakud’a, an ni ngal wa ma dingâ kiwilâ, ni yi wa avuna ki gordjona, ni sor wa hliuna ki ma dingâ, ni tum wa! Na ni an ndak á le kad’um mba ara vama ndjendjed’a zu? Na ni an ndak á grif kä avok vun adjo ma gurub’uhlâ zi ge d’a d’i!

Isai 41:29

Gola! Azi pet ni va d’i, sun mazid’a ni sun nda hawa yaka, filei mazina ni simetna, ni vama nga d’uo na mi.

Sawal la giled’a 135:18

Suma a lazina a hle tazi ni d’igi azi na, suma pet suma a tin huruzi kazina, a hle tazi ni d’igi azi na mi.

Sawal la giled’a 115:8

Suma a lazina ki suma a tin huruzi kazina, a hle tazi ni d’igi azi tazid’a na mi!

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Jeremi 3:9

Israel-lâ kur djib’er mazi d’a afefeta a mbut ambasa ndjendjed’a, a le mizeuna kahinad’a kaguna mi.

Jeremi 5:4

Ata yi máma an dala: A le ni sunda hi kem mba gureid’a. A we nga va d’i, a we nga minda hi Ma didinid’a d’i, a we nga gata hAlo mazinid’a d’uo mi.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.