Jeremi 10:20 - Bible azumeina

²⁰ Zlub’u manda ti b’lak wa woyo, ziyo mana mi tchal wa woyo. Grona a aran wa woyo, a nga d’uo d’a. An nga ki sama ding ma van zlub’ud’a akulona d’i, ma mi van anguzuna yam gongina mi nga d’uo mi.

Jeremi 10:20 Referans Kwoze

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Isai 54:2

Ndak hut ad’u zlub’u maka woi bubud’a, ar a b’er yam zlub’u maka woyo, ndak d’elezi d’uo, ndak ndirza ziyo ma’â woyo, ndak pe tcheble ma’â kä ad’enga ngingi.

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Zla d’a d’ogolâ 12:7

Ata yima a zut suma asa’atna kä na, va mazi nga mi ar blogozi d’uo d’a, wani suma hi suma d’ingêrîna a mba ar tchola ngingring.

Wana ni mbaktumba hi Job-pa 7:8

Ir ra nga d’i wanda mba d’i wan bugol luo d’a, ang mba halanu, wani ang mba fan nduo d’a.

Isai 51:18

Aduk grok suma ndak vud’uzina, ma mi tagak lovotina nga tu d’i; aduk grok suma ndak wuluzina pet, ma ndjunu’â nga tu d’uo mi.

Mise 2:9

Agi digigi aropma hi sum manina woi kur aziyazi ma azi huruzi vum heîna, agi nga yogi ahle suma djivi suma an hazi abo grozinina woi burâ ki burâ.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.