Jean 9:5 - Bible azumeina

⁵ Kid’a an nga kur duniyad’a tua d’a, an ni b’od’a hi suma kur duniyad’ina.

Jean 9:5 Referans Kwoze

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Sunda hi suma a sunuzinid’a 13:47

Kayam Salad’a mi hami vuna ala: An tining d’igi b’od’a na yam andjaf suma dingâ, kayam ang i ki suta mi suma gak avun dabid’a handagad’id’a.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Sunda hi suma a sunuzinid’a 26:23

Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Matiye 5:14

Agi ni d’igi b’od’a hi suma yam andagad’ina na. Azì ma ngol ma a minim yam ahinad’ina, mi ndak á vit ti.