Jean 9:31 - Bible azumeina

³¹ Ei wei ala Alona nga mi hum sama tchona d’i. Wani le sama lara pî ma nga mi kud’or Alona nga mi le minda hAlonid’a mi na ni, Alona nga mi humumu.

Jean 9:31 Referans Kwoze

Zla d’a d’ogolâ 15:29

Ma didina nga mi hut tam mbei dei ki suma asa’atna, wani nga mi hum tchenda hi suma d’ingêrîd’a.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Sawal la giled’a 18:41

Ang ar man suma djangûna a ring avoronu, suma a noyôna an dabazi tchid’a woyo.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Wana ni mbaktumba hi Job-pa 35:12

Suma a nga tchi ngola, wani Alona nga mi hulongôzi humba abo yam mba ad’enga hi suma asa’atnid’a d’i.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Sawal la giled’a 143:10

Ang had’an á le min manga, kayam angî Alo mana. Ar Muzuk mang ma djivina mi tinin yam andaga d’a abo tat tud’a.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 19:29

Wani ata yima Alona b’lak azì máma woi ki ful mamba b’la’â, mi djib’er yam Abraham. Ni kayam ndata ba, Alona mi pat Lot tei kur ndak ka ngola ata yima mam b’lak azì ma mam nga kaka kuana woina.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Hebre-na 10:7

Kayam ndata, an dala: Alo mana, Gola! An mba wa á le min manga, d’igi a b’irin zlan kur mbaktum manga na.

Gat ta a hat á mbàd’id’a 1:45

Kur hulong magid’a agi tchigi avok Ma didina. Wani mi hum nga tchi magina d’uo mi na, mi tin nga humam kagi d’uo mi.

Wana ni mbaktumba hi Job-pa 35:13

A er ad’uzi ni hawana, wani Alona nga mi hum mbi. Ma ad’engêm kal petna va ndolom nga tu d’i.

Jean 9:30

Mi hulong dazi ala: Wana ni vama atchapma tala agi wagi nga yima mi tcholï kuana d’uo d’a, wani mi malan iran ndeyo.

Jean 9:32

Dedei ei humi nga ala sa mi mal ir sama a vud’um ki dukina woyo d’i.

Jean 11:22

Wani ki tchetchemba, an wala ang le tchen ni me pî ata Alona ni, Alona mba mi hangziya.